Franzesch Pertusaa (arcivescov)
|
Quest articol chì l'è scrivud in lombard, con la Noeuva Ortografia Lombarda |
El Franzesch Pertusaa (Milan, 22 de fevrer 1679 - Pavia, 17 de november 1752) l'è stad un prelad lombard, vescov de Pavia del 1724 a la soa mort e arcivescov titolar de Amasea.
Biografia
ModifegaFioeul del Luca Pertusaa, president del Senad de Milan, e fredell del Carlo Pertusaa, l'era anca el barba del scritor omonem. Olivetan, l'insegnarà teologia a l'Università de Bologna e 'l tornarà a Milan per deventà abat de la Gesa de San Vitor. Del 1717 al 1720 l'è a Monte Oliveto, e infin l'è ciamad a Roma. Del 1724 l'è fad vescov de Pavia, con l'ordenazzion fada del Nicola Gaetano Spinola, e del 1725 el toeu part a un sinod de tute i diocesi imediatamente sogete a la Santa Sed, indova che 'l se fa di noeuve idee in sul gestì de la diocesi, che al temp l'era spartida in tra du Stat: el Ducad de Milan e 'l Regn de Sardegna.
Del 1728 el deciara che i oss che gh'è in la cripa de la Basilega de San Peder in Cel partegnen al San Gusin, roba che l'è poeu confermada pussee inanz del Papa. Del 1743 la Santa Sed ghe dà el titol de arcivescov titolar de Amasea, che l'è tegnud insema a quell de Pavia fina al 1819, roba che ghe dava ai vescov de Pavia el poder de portà el pali.
In del so vescovad a l'è slargad el Palazzi Vescovil e a la soa mort el lassa 'na gran eredità per un ospizzi, che 'l gh'ha ancamò el so nom.
Genealogia episcopal
ModifegaLa genealogia episcopal l'è:
- Cardinal Tolomeo Gallio
- Vescov Cesare Speciano
- Patriarca Andrés Pacheco
- Cardinal Agostino Spinola Basadone
- Cardinal Giulio Cesare Sacchetti
- Cardinal Ciriaco Rocci
- Cardinal Carlo Carafa della Spina, C.R.
- Cardinal Francesco Nerli
- Cardinal Lorenzo Casoni
- Cardinal Nicola Gaetano Spinola
- Vescov Franzesch Pertusaa, O.S.B.Oliv.