Gesa de Sant Agostin (Milan)
|
Quest articol chì l'è scrivud in lombard, con la Noeuva Ortografia Lombarda |
| Gesa de Sant Agostin | |
|---|---|
| Stat |  Italia |
| Region | Lombardia |
| Località | Milan |
| Religion | Catolega |
| Sconsacrazion | 1798 |
| Fondador | Fondador |
| Completament | prima del 1486 |
Coordinate: 45°28′10.52″N 9°11′25.43″E / 45.469589°N 9.190397°E
La gesa de Sant Agostin, ciamada in antighità Santa Maria de Vedan, l'era una gesa de Milan. Sita in via Mont de Pietà, l'è stada desconsacrada in del 1798.
Storia Modifega
Nozzie del convent ghe n'è de 1428 quand per orden del Duca de Milan meten dent in del convent di Umiliade vot moneghe de l'Orden de Sant Agostin. An'mò in del 1486 in d'una letera, semper del duca de Milan, la Gesa l'è tirada a man cont el vegg nom de "Santa Maria in Vedan". De la gesa scassada e monester vesin el se sa negot fina al 1828, quand la gran area de l'ex convent a l'è venduda al cont Francesco Arese Lucini che gh'ha fad su el so palazz.
Architetura Modifega
La Gesa a l'è stada fada su de noeuv in del Cinchcent: denanz a gh'era un portegad con colonne de preja che 'l faseva de ingress sia a la gesa che al monester. La facciada l'era in su dissegn del Francesco Maria Richini e l'era decorada con "colonne e statue". La gh'haveva una doma tegnuda su de quater gran colonne de marmor che faseven su quater arch. La gesa la gh'haveva tre capelle: in la pussee granda gh'era el quader del Nascimento di Gesù Cristo del Giulio Campi, menter in vuna di laterai gh'era il martirio di Sant'Agata del Panfilo Nuvolone, che per el Carlo Torre l'era stad scominciad del Cerano.