Gesa de San Sepolcher (Milan)
|
Quest articol chì l'è scrivud in lombard, con la Noeuva Ortografia Lombarda |
La Gesa de San Sepolcher a l'è una gesa de Milan, in piazza San Sepolcher e part de la parochia de San Sater.
Gesa del secol XII slargada pussee de 'na voeulta, l'ultima del 1897, l'è indova che una voeulta gh'era el For de Milan. L'è fada su de paricc stil diferent: la cripta l'è in stil romanegh, el so foeura in stil neoromanegh e 'l sò dedent in stil neoclassegh.
Dedicada in principi a la Santissima Trinità, el 5 de luj del 1100, in del mez di Crosade, l'Anselmo IV de Bovis, el scerniss de decicàghela al San Sepolcher, in regord de l'ann de la spedizzion a Gerusalem che l'haveva ciapad. La soa parochia l'è tolta via del 1928 e la gesa la deventa de pertinenza de la Biblioteca Ambrosiana.
La soa cripta a l'è ben famosa e ghe orava el Carlo Borromee. Del 2014 ghe fann la Divina Liturgia in rit bizantin per i catolegh de rit oriental.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Gesa de San Sepolcher (Milan)
