Piazza San Sepolcher
|
Quest articol chì l'è scrivud in lombard, con la Noeuva Ortografia Lombarda |
La Piazza San Sepolcher a l'è una piazza del center de Milan, minga deslonga de Piazza del Dom.
Un temp a gh'era el for de Milan, del 1030 a gh'è la Gesa del San Sepolcher che ghe dà el nom. A l'è ben cognossuda perchè el 23 de marz del 1919 el Benito Mussolini gh'ha fondad i Fass italian de combatiment, indova che gh'era la sed de la Sociazzion di Industriai Lombard: quei che gh'hann tolt part eren ciamad sansepolcrista e eren ben vist de la ministrazzion fassista, che gh'ha dad importanza e privilegi fina a la fin del regim. El Filippo Tommaso Marinetti gh'haveva dedicad a lor Il poema dei sansepolcristi.
Del 1921 al 1924 la sed nazzionala del Partid Nazzional Fassista l'è stada in del Palazzi Castani in la piazza, e con la Republega Sociala Italiana, el torna a vesser sed, del 1943 al 1945, del Partid Fassista Republegan.