Gesa di Sant Vit e Modest (Lomazz)
|
Quest articol chì l'è scrivud in lombard, con la Noeuva Ortografia Lombarda |
La gesa di Sant Vit e Modest a l'è vuna di do parochiai de Lomazz, insema a la gesa de San Sir: fina al 1974 la partegniva a l'arcidiocesi de Milan e ghe stava adree al rit ambrosian, l'è passada poeu a la diocesi de Com e del 1981 ghe sta adree a quell roman.
Una gesa dedicada al San Vit la gh'era sgiamò de l'epoca tardo-romana, ma quella de incoeu l'è stada fada su del secol XVIII e fornida del secol XX. In stil neoclassegh, la soa faciada l'è del Simon Canton.
In del so broeul a l'era stada firmada la pas de Lomazz, in tra i liber comun de Milan e Com e a la presenza di imbasciador di alter cità lombarde. Vun di so curad l'è stad l'Ernesto Teodoro Moneta Caglio, futur diretor del Pontifizzi Istitut Ambrosian de Musega Sacra.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Gesa di Sant Vit e Modest (Lomazz)
