Gesa di Serv (Milan)

Quest articol chì l'è scrivud in lombard, con la Noeuva Ortografia Lombarda

La Gesa di Serv a l'era una gesa de Milan che l'è stada sbatuda sgiò in del 1847 per lassà spazzi a la noeuva gesa de San Carlo al Cors: a diferenza soa, che la gh'ha la sortida in su quell che incoeu a l'è cors Vitori Emanuell II, la sortiva in su la strada di serv, vesin a piazza San Babila.

Fresch del Simon de Corbeta recuverad de la gesa prima che l'hann sbatuda sgiò

Fada su di serv de Maria, rivad a Milan sota l'Oton Vescont e in principi sit in quella che incoeu l'è la Gesa de San Peder Celestin, hann fad san-martin in quella gesa chi in del 1317, e l'hann dedicada a la Maria di Serv, quand che prima la se ciamava del Sach. In del 1799 el Napoleon el sequestra el convent e la resta deperlee fina al 1836, quand che l'è sarrada e infin sbatuda sgiò in del 1847.

Bibliografia

• Fra E. M. Ronchi, Santa Maria dei Servi - Santa Maria dei Servi tra Medioevo e Rinascimento. Arte superstite di una chiesa scomparsa nel cuore di Milano, catalogo della mostra, Milano 1997