Simon de Corbeta
|
Quest articol chì l'è scrivud in lombard, con la Noeuva Ortografia Lombarda |
El Simon de Corbeta (Corbeta, ... - Milan, XIV secol) a l'è stad un pitor lombard.
Biografia Modifega
El se sa de lu che l'ha vivud in del tri-cent lombard, a tegnì un stil assee vegg, che ghe piaseva ai Vescont del temp, e l'era vesin a la scoeula del Simon Senes, che forsi l'è stad so maester. Nassud a Corbeta, l'ha lavorad soratut a Milan, indova che l'è regordad per havé frescad la Gesa di Serv, cont el so fresch pussee famos, La Madona col Bambin, la Santa Catarina, la Sant'Orsola, el San Giorg e 'l devot Teodorich de Coira, che incoeu l'è conservad in la prima sala de la Pinacotega de Brera, dopo de vesser stad al Musee archeologegh. La soa scoeula l'ha dissegnad anca el meter in Cros de la capella ducala de San Cristofen.
Bibliografia Modifega
- Toesca Pietro, La pittura e la miniatura nella Lombardia, Milano, 1911
- Vismara Guido, Corbetta - Cenni illustrativi, Corbetta, 1926
- Prada Luciano, Città di Corbetta, Corbetta, 1989
Alter proget Modifega
Wikimedia Commons el gh'ha dent imagin o alter archivi su Simon de Corbeta
