Ghett

Quest articol chì l'è scrivuu in lombard, grafia milanesa.

Questa vos chì la gh'ha di problemm de grafìa.

Poeudass che a l'è scrivuda cont una grafìa minga giustificada o che a l'e scrivuda cont ona grafia diversa dal sò model. Se te set bon, te podarïet dà ona man e mett in quader i eror. Dopo che te l'het netada te podet trà-via quest model chì.

I ghett, dal frances guêtres, (o strivalin ) a hinn on acessòri d'abigliament che 'l protegg i polp. Se desferenzien di strivaj perchè includen minga la scarpa ma domà la gamba. Vegnen dovraa in di ambit dove bisogna protegges i polp comè in di dipòrt invernai, in de l'equitazzion e in de la caccia. Gh'hann el vantagg de podè vess mettuu-sù e cavaa-foeura senza trass-via anca la calzadura, mettuu-adòss inquand serven e mettuu-via inquand serven minga.

Stòria

I ghett a s'hinn spantegaa cont la crodada de l'Imper roman d'Ocident cont i le invasion di barbar che i metteven-sù per protegges i gamb inquand andaven a cavall.

Vegneven dovraa di soldaa, di contadin e di lavorador per protegg la polpa e per minga permett a l'acqua, a la nev e a la palta de intraa in di scarp. Comè fass de tessuu resistent ciamaa moletiee faseven part di divis de l'infantaria; a hinn anmò incoeu part de l'equipagiament da battaja e in di divis da parada.

I ghett a hinn ona part di costumm tradizionai di òmen, comè in di costumm sard putost che quij di butteri (i cavalant toscan).

Struttura

Ghett da equitazzion.

I modej pussee sempliz a hinn formaa d'on tubo da infilà, o d'on rettangol, che se sara cont lazz o fibbi, da quattà-attorna a la polp. I modej pussee complicaa gh'hanno ona part che la sporg comè on becch d'òcca per quattà el còll del pee e permett on racòrd mïô, e donca ona mïora protezzion, intra la caviggia e la scarpa. On lazz, che 'l conliga i laa passand sòtta el zoccol pasmà el tacch, tegn i ghett in posizzion e permett minga de tornà-sù sora la gamba.

Poden vess in: pell, felter, lana, tessuu e material plastigh. I ghett modern dovren tecnofiber e artifizzi tecnologegh per la chiusura comè: velcher, elastigh, botton automategh, zainer, cavett d'azzaa, clipp.

I ghett a hinn dovraa assee in orientament e in alpinism per protegges di spin inquand se camina o corr in di bosch, e permetten minga a la nev d'intraa in di scarpon inquand se camina sora la nev o 'l giazz.

Alter variant

Uòss

I uòss a hinn on tipo de ghett bass che proteggen la caviggia, quatten-sòtta la part pussee in alt de la scarpa e la part pussee bassa de la polpa, inscì da dà ona protezzion al pont de congiunzion intra la calzadura e i colzon.

Vos ligaa

Ghett da nev