Lumbard ucidental Quest articol chì l'è scrivuu in lombard, grafia milanesa.
La scima del Ghisall con scià el santuari de la Madonna.

El Ghisall (italian: Ghisallo) l'è on coll de la Lombardia.
A l'è olt 754 meter sora el nivell del mar e 'l colega la Valassina (sud) con la ponta del Triangol Larian, in del comun de Magrej e in direzzion de Belas.
L'è vun di sit pussee cognossuu del ciclism italian: meta tradizzional del Gir de Lombardia e, tanti volt, anca del Gir d'Italia. El santuari de la Madonna che gh'è in su la scima del coll a l'è ben veneraa di ciclista; in del 1949 la Madonna del Ghisall l'è stada proclamada la patrona di ciclista.
Incoeu, arent al santuari, a gh'è 'l Musee del Ciclismo e 'l monument del ciclista.
Aproeuv al Ghisall el nass anca el Lamber.