Gian Galeazz Serbellon

Quest articol chì l'è scrivuu in lombard, grafia milanesa.

El Gian Galeazz Serbellon (Milan, 6 luj 1744 – Milan, 7 marz 1802) l'è staa on nòbel e militar italian. L'è staa cont de Castijon, Grand de Spagna, Duca de San Gabrio, feudatari de Romagnan, marches d'Incisa, co-scior de Castelnoeuv, feudatari de Gorgonzoeula de Camporicch e de Cassina de Pecci.

Fioeu del Gabrio Serbellon e de la Maria Vittoria Ottoboni, el gh'ha avuu 'me precettor el Giusepp Parin: In del 1775 a l'è nomenaa capo de la Milizia Urbana e in 'sto roeul el se mostra assee uman, tant de ofrìss de pagà i dagn a di criminaj per salvài de la pena de mort e l'ha daa 'n uniforma al corp. Famos per la soa bravura e serietà, quand che 'l riva el Napoleon ghe dann l'orden de protegg Milan e garantì l'orden publegh, ma el scerniss, speranzos che i franzes l'avaria daa l'independenza a Milan, de stà cont i rivoluzionari e de provà a impedì de pagà i dagn de guerra. El ghe riess no ma el sortiss rinforzaa, tant de permettègh de scortà la miee del Napoleon finna a Milan.

A l'è nomenaa president de la municipalità, ciovè sindegh, de Milan, el toeu poeu part al direttori de la Republega Cisalpina. Savuda l'invasion austriega de la Lombardia, el se impegna per impedìlla e l'è nomenaa member de la Consulta de Franza. Tornaa a Milan, el moeur e l'è mittuu via a Gorgonzoeula: In del sò testament l'ha miss la costruzion de 'n ospedaa e de 'na Gesa in la zona.

Senza ered mas'c, cont la miee Teresa Castelbarch Viscont de Simonetta el gh'ha avuu domà 'na tosa, e dopo avègh renonziaa, el passa el titol al fredell Lissander.

Bibliografia

• P. Colussi Ascesa e declino dei Serbelloni, Milano, 2008
• AA.VV., Serbelloni in Il libro della nobiltà lombarda, Milano 1978, vol. II, pp. 366-7 (Trivulziana Cons Araldica 65)
• F. Arese, Genealogie patrizie milanesi, in D. Zanetti, La demografia del patriziato milanese nei secoli XVII, XVIII, XIX, Pavia, Università di Pavia 1972, pp. A80-A81, A153-A158 (Brera CONS MI 703 M1)
• C. Manaresi La famiglia Serbelloni, in Studi in onore di C. Castiglioni, Milano, Giuffrè 1957, pp. 361-387 (Trivulziana Arch E 556)
• Fiorella Cerini, Una famiglia e un patrimonio: i Serbelloni tra Settecento e Ottocento in Storia in Lombardia, Ed. Franco Angeli