Giuliano Mauri
|
|
Chest artícol a l'è scricc in Lumbàrt, ortograféa orientàl unificàda. |
Giuliano Mauri (Lod Vegg, 1938 – Lod, 29 de magio del 2009) l'è stat en artìsta italià.
Biografia
Modifega_2002.JPG)
Giuliano Mauri l'è nasìt a Lod Vegg endèl 1938. L'è famùs per vìa de le sò divèrse enstalasiù poétiche ambientàle, definìde come architetüre natürài. El g'ha partecipàt a la Bienàl de Venésia 'ndel 1976, a la Trienàl de Milà 'ndel 1992 e a la Bienal de Penne 'ndel 1994.
El dopràa broch e tronch de l'gn per fà sö dei edifìci fantàstich e reài al stès tép. El sò pensér che stà dedré l'è ligàt a la deperibilità natüràla del materiàl che 'l dòpra, e che la natüra la 'mpienesarà i büs lasàcc del desfàs del lègn e chèsto 'l deentarà isé 'na sort de diàlogo col artìsta.
'Ntra i sò mestér gh'è i Mülì caresàcc de 'n vènt imaginàre, la Scala del Paradis, el Bósch sö l’ìzola a la fónt del Tormo 'ndèl lodezà. En Germània, a Görlitz, e 'n Polònia, a Zgorzelec, el g'ha realizàt i Oservatóre estimatìf.
Endèl parch del cümü de Carvìch gh'è de éder el Reatùr.
La sò òpera piö famùza e sugestìva l'è fórse la Catedràl vegetàl del 2001 per Arte Sella.
Endèl 2001 el g'ha fat sö pò a la scenografìa de la Norma endèl sferestére de Macerata.
Emdel 2006 el mèr en pé la Voliera per òm endèla val dei Suspìr del Parch de Mónza e 'ndèl 2008 el fà l'inaugurasiù de l'Anfiteatro de la val de Bisenzio endèl Complès Artistich Contemporàneo del Cümü de Cantagallo. Ach endèl 2008 el prezènta el Put vegetal endèla zòna del Castèl de Padernèl (frasiù del cümü de Bórc San Giàcom en pruvìncia de Brèsa).
Ai 6 de setèmber del 2010 gh'è stat prezentàt la sò òpera pòstuma, fàda sö del sò fiöl Roberto sóta la diresiù artìstica de Paola Tognon, la Cattedrale Vegetale endèl cümü de Ultra 'l Còl (Bèrghem) ai pè del Mut Arera endèl Alp Orobie.[1]
Note
Modifega- ↑ Catedral vegetal endèl cör de le Orobie corriere.it