Giusepp Clement de Wittelsbach

Quest articol chì l'è scrivuu in lombard, grafia milanesa.

El Giusepp Clement de Wittelsbach (Joseph Clemens von Wittelsbach in todesch; Joseph-Clément de Wittelsbach in frances; Mònach de Baviera, 5 dicember 1671 - Bonn, 12 november 1723) a l'è staa on arcivescov cattòlich todesch.

Biografia

El Giusepp Clement a l'era el terz fioeu del Ferdinand Maria de Baviera e de la soa miee, l'Enrichetta Adelaide de Savòia. Vist che l'era minga el primm nassuu, l'è staa subit destinaa a la vita de òmm de gesa. L'è staa eleggiuu arcivescov de Colònia in del 1688, dòpo la mòrt del zio Massimilian Enrich, còssa che l'è stada voeuna di caus de la Guerra di Noeuf Ann. On quaj de ann dòpo l'è staa nomenaa princip-vescov de Liegi e vescov de alter diòcesi de la Germania.

Compagn del sò fradel Massimilian Emanuel II de Baviera, el Giusepp Clement el s'è leaa a la Francia duranta la Guerra de Succesion Spagnoeula e per quest l'è staa costringiuu a retiràss in de la soa residenza a Bonn ò a la cort francesa.

Quand che la guerra l'è finida, in del 1713 (Trattaa de Utrecht) al Giusepp Clement hinn tornaa indree i sò diòcesi, che ghe eren staa confiscaa. A l'è mòrt a Bonn e l'è staa seppellii in de la Cattedral de Colònia. Ona bòna part di sò diòcesi hinn staa "ereditaa" del sò nevod Clement August.

Duranta la soa vita l'è staa:

• Vescov de Frisinga (1685-1694), succeduu del Johann Franz Eckher von Kapfing und Liechteneck;
• Vescov de Ratisbona (1685-1723), succeduu del Clement August de Wittelsbach;
• Arcivescov de Colònia (1688-1723), succeduu del Clement August de Wittelsbach;
• Prevòst de Berchtesgaden (1688-1723), succeduu del Julius Heinrich von Rehlingen-Radau;
• Princip-vescov de Liegi (1694-1723), succeduu del Giòrg Luis de Berghes;
• Vescov de Hildesheim (1702-1723), succeduu del Clement August de Wittelsbach;