Apri il menu principale
Chest artícol a l'è scricc in Lumbàrt Orientàl, ortograféa unificàda Lombard oriental

L'Helleborus niger (en bresà: bucanéve o röza de nedàl, ma apò a campùren[1]) l'è 'na piànta de la famìa botànica de le Ranunculaceae, uriginària de l'Europa centràl e de l'Àzia Minur. La crès en regiù muntagnùze, Àlpi, Apenìni, Carpàsi, endèle radüre e 'ndèi bósch mìa tròp spès, sö teré calcárei.

Helleborus niger L.
Illustration Helleborus niger0.jpg
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Ranunculales
Famìa: Ranunculaceae
Sota-famìa: Ranunculoideae
Stìrpa: Helleboreae
Zèner: Helleborus
Spéce: H. niger
Nomm binomial
Helleborus niger
L. 1753

L'è 'na piànta rizomatùza, perène che la pöl rià 'nfìna a 50 cm de altèsa del teré.

Le fòie, che part de la bàze, i è palmàde condèn gamp lónch. I è grànde con 7-9 segmèncc, scorzégne e de culùr vért scür.

Fiùr de Helleborus niger

I fiùr, portàcc ensìma a 'n gamp sènsa fòie e bèl gaiàrt, i è quàze sèmper ünich (de rar i è du), i g'ha 5÷8 tépali biànch, i ciàpa 'na tìnta ròza quan che i vé ècc, condèn lèmbo ovàt-oblanceolàt e divèrsi stam.


El fröt l'è furmàt de 6÷7 folìcoi sgiónf, lónch presapóch 2 ghèi con dét divèrsi granì de somésa de fùrma bislonga. El fiorés en envéren, o al prensépe de la primaéra — a segónda de l'altitùdine — apéna che se delégua la néf.


Nòm popolàrModifica

L'Helleborus niger el vé de spès ciamàt eroneamènte bucanéve, ma chèsto nòm l'è doperàt apò per el Leucojum vernum e (e piö coretamènte) per el Galanthus nivalis.

La definisiù Röza de Nedàl l'è piö apropriàda e la corespónt apò a la denominasiù popolàr en ótre lèngue, compàgn de l'inglés Christmas rose, l'olandés kerstroos, el fransés Rose de Noël, l'italià Rosa di Natale, ecc.

RiferimènccModifica

  1. Elisa Zersi, Prospetto delle piante vascolari spontaneee o comunemente coltivate nella provincia di Brescia, 1871 - Brescia

Colegamèncc estèrniModifica