Hopeless Romantic (Michelle Branch)

Quest articol chì l'è scrivuu in lombard, grafia milanesa.

Hopeless Romantic l’è el terz album in studi de la cantautora americana Michelle Branch. L’è stàa pubblicàa el 7 de april del 2017 de la Verve Records. L’è stàa scrivùu e prodòtt insèma al Patrick Carney. L’album l’è la soa prima pubblicazion con la casa discografica Verve dòpo che la Michelle l’hà bandonàa la soa etichètta de prima, Reprise Records, e trasàa via quel che in origin el gh’avariss avùu de vèss miss dent in del’album. Hopeless Romantic a l’è anca el sò primm album pubblicàa in del sò insèma adrée a Hotel Paper in del 2003, e anca el primm a vèss pubblicàa dòpo l’EP de Everything Comes and Goes in del 2010.

El singol che ‘l gh’hà el stèss nòmm a l’è stàa presentàa in anteprima in sula rivista Billboard per mezz del sò account Vevo el 2 de febbrar del 2017 e miss foeura in formàa digitàl el dì adrée

Avveniment de prima

Al princìpi del 2001, La Michelle la firma cont la Maverick Records sòta la Warner Bros Records e la manda foeura con succèss du album in studi, The Spirit Room e Hotel Paper, el primm in del Agost del 2001 e el second ind l’estàa del 2003. The Spirit Room l’è stàa certificàa ‘me doppi disco de platin da la Recording Industry Association of America( RIAA ), grazie ai pussè de 2 milion e mezz de copi vendùu , inveci Hotel Paper l’è stàa certificàa platinum de la RIAA. In del 2002, La Michelle Branch la lavora insèma del Santana e la registra "The Game of Love", che ghe fa guadagnà a tucc e du lee e ‘l Santana el premi Grammy Award.

Dal 2004 al 2008, La Michelle Branch la mètt in pè on duo country con la Jessica Harp ciamàa The Wreckers. Ancasì, la Michelle l’ha annunziàa che l’era adrèe a lavorà de fa on noeuv album de solista intitolàa Everything Comes and Goes che la soa pubblication l’era prevedista in del giugn 2008 , ma per via de problema personaj e che la gh’aveva cont el sò mestee l’è stada rinviada, e a la fin l’album l’è stàa poeu miss foeura ‘me on EP in del giugn 2010.

In 2011, la Michelle la proeva a tornà indree al pop rock cont l’album West Coast Time, che la soa pubblication a gh’è stada minga per via de la reorganizzazion interna di sò cas discografich: la Reprise Records e laWarner Bros. Records. In del giugn del 2011, la mètt foeura la canzon ″Loud Music″ ‘me sol singol prima del’EP The Loud Music Hits EP che l’era adrée a vèss pubblicàa e l’è stàa poeu miss foeura in agost de la Reprise Records. Per via del stress per avègh du album nò pubblicàa, contenzios in di so cas discografich, la rottura del sò grupp country , la maternità e ‘l divorzi, la Branch quasi l’era adrée a piantà là la soa carriera musicàl.

In del giugn del 2015, comunque, la Michelle Branch l’annunziava per via del’ Instagram che l’aveveva firmàa on noeuv contràtt con la Verve Records. La se mètt adrée a incontrà el Patrick Carney di The Black Keys, insèma ai quaj la scriv, in del stèss ann, l’album che poeu el sarà Hopeless Romantic.

Composizion e svilupp

Seconda la rivista Entertainment Weekly, la musega de la Michelle Branch, l’è per quel album chì, on "rock and roll rilassàa"; della soa noeuva musega la Michelle l’ha dìtt, "Patrick el me fa: ‘chesstchì l’è el tò disco, el gh’hà de sonà ‘me ti’... a l’è la prima volta che on quaivun el m’hà menà a scoprill depermì"

In del’album gh’hinn denter di ròb pròppi personaj, specialment canzon in sula separazion del so ex-marì Teddy Landau e la soa noeuva relazion cont el Patrick Carney.

Reclamm

Per la reclamm de Hopeless Romantic, la Michelle l’ha cantàa al New York City's Bowery Electric, canzon del noeuv album, ma anca el so succèss passàa "Are You Happy Now?". Il singol che se tira adrèe l’album , Hopeless Romantic, l’è stàa miss foeura in digital el 3 de febrar del 2017. "Best You Ever" was released as the first promotional single from the album on March 3, 2017. "Fault Line" a l’è stàa mandà foeura ‘me second singol per la reclamm de l’album el 31 de marz del 2017 .

Infra i esibizion per la reclamm del’album in di media, gh’è anca quand le l’ha cantàa "Best You Ever" in del Good Morning America and Late Night with Seth Meyers on April 6, 2017.

Tracc

• Best You Ever 3:39

• You're Good 3:10

• Fault Line 3:55

• Heartbreak Now 4:12

• Hopeless Romantic 3:30

• Living a Lie 3:34

• Knock Yourself Out 4:04

• Temporary Feeling 3:34

• Carry Me Home 3:26

• Not a Love Song 3:30

• Last Night 3:41

• Bad Side 3:57

• Shadow 3:34

• City 4:35