I Independent (Liechtenstein)
I Independent (in todesch Die Unabhängigen, breviaa DU cioè "Ti") a l'è 'n partii politegh del Liechtenstein fondaa in del 2013 de l'ex parlamentar de l'Union Patriottega Harry Quaderer.
.svg)
A bon cunt el partii a l'è pu che alter 'na sociazion de candidaa che voten segond la soa coscienza e che s'hinn reunii in partii per podèss candidà e avègh i midemm privilegg di partii e i sò idej, anca se espress in manera pussee popolista a hinn minga distant de quej di alter partii principai, cioè el Partii Progressista di Cittadin e l'Union Patriottega.
El sostegn la necessità de respettà la tradizional lianza cont la Svizzera e de permett ai cittadin del Liechtenstein a l'ester de votà.
Han ciappaa 4 scagn in di elezion del 2013 e 5 in quell del 2017. In del 2018 ona scission del partii la mena al nass di Democrategh per el Liechtenstein e in di elezion del 2021 resten foeura del Landtag.