I du mersì del capitalismo
I dù mersì del capitalismo a l'è 'n osservazion che in d'on sistema capitalista ona transazion a l'è mìnga domà volontaria ma l'è anca vantaggiosa per tucc e duu degià che in d'on liber mercaa ògni transazion, per vessegh, la gh'ha de besogn che la sibia vantaggiosa per tucc i part e donca la situazion che la de crea a l'è voeuna indova che tucc i part han otegnuu on vergòtt che 'l var pussee de quej che gh'even prima.
Se pensa che i bas de 'sta teorìa ghe sien staa giamò in del liber La Ricchezza di Nazion de l'Adam Smith, comé fa notà el Milton Friedman:
|
«La ciav del pensee de l'Adam Smith a l'è che tucc i dò part in d'on scambi pòden avègh on benefici e che, finna che la cooperazion a l'è strettament volontaria, el pò vessegh nissun scambi se i dò part gh'hann no on benefici»
|
El termen a l'è staa in pratega coniaa del John Stossel, ch'el definiss inscì in del sò liber No, They Can't:
|
|
«Quancc voeult el v'è success de pagà on franch per ona tazza de caffee e de dì, dòpo che 'l vendô l'ha dii "mersì", "mersì"? Ghe n'è tant de savè economegh in del strano moment di du mersì. Perchè el capita? Perchè ti te voeuret el caffee pussee del franch e 'l vendô el voeur el franch pussee del caffee. Hii vinciuu tucc e duu»
|