Milton Friedman
El Milton Friedman (Brooklyn, 31 de luj 1912 – San Francisco, 16 november 2006) l'è staa 'n economista american, principal esponent de la scoeula de Chicago e fondator del pensee monetarista, vincitor del Premi Nobel per l'Economia in del 1976.
L'è staa on consiliee del president american Ronald Reagan e de la prima ministra inglesa Margaret Thatcher e l'è staa 'n sostenitor del liber mercaa e di libertà de l'individov, tant de menà innanz 'na campàgna per toeu via la coscrizion in di Stat Unii e de vèss contrari a la guerra a la droga.
In tra i sò idej principai la gh'era la flat tax, l'imposta negativa e 'l voucher scoeula, de che l'éra on gran sostenitor per via de la soa contrarietà al monopoli de l'istruzion.
L'è staa criticaa per el sò rappòrt cont el Cile de l'Augusto Pinochet, che l'ha applicaa 'na part di sò politegh econòmegh, anca se lu l'ha negaa de avè avuu de rappòrt dirett cont el regimm.