Koinè lombarda medieval
|
Quell articol qì l'è scrivud in Lombard, cond l'ortografia Scriver Lombard. |
La koinè lombarda medieval (o domà lombard medieval) a l'era ol volgar illuster qe se dovrava ind i tests scrivids ind la Lombardia storega intra i secoi XIII e XV. Ind i fonts medievai l'era ciamada domà lombard o lengua scrivida.
Stude
ModifegaA l'è staita identifegada de l'Adolfo Mussafia ind el so Monument antig dei dialets italian del 1864,[1] ma jamò prima ol Biondelli l'hiva parlad de la possibilitaa de una varietaa siora dovrada a nivell scriit inants qe al rivava ol toscan, e po anc ol Carlo Tenca, ol Carlo Salvioni e 'l Glauco Sanga i l'ha sostegnida.
Storia
ModifegaLa koinè la s'è desvilupada a partir del secol XIII ind el ambet de qell qe l'era ol cœr del vegg Regn Lombard, deventad Regn Italeg a l'intern del Sacr Roman Imper. Intra i fator decisiv per la so formazion, de soraplu a la vexinanza dei dialets locai e a la presenza de tante vie de comunicazion, g'è ol costum dei Comun medievai de ciapar aministrador e maester forests, ol jirar dei predicador relijos e dei œvre leterarie, e la sponta unifegatrix dei cort e dei cancellerie.[2]
A partir del secol XV la koinè l'ha començad a vesser sostituida del toscan, qe l'hiva ciapad prestij per l'importanza politega de Fiorenza e coi œvre del Dant Aliger, del Francesc Petrarca e del Jovann Bocaç.
Ereditaa
ModifegaIn seguet a'l bandonar de la koinè, per scriver i lengue cisalpine i è staite desvilupade ind i secoi dei nœve grafie qe i s'è slontanade del so modell per indar-g dree (de plu o de men a segonda del cas) a la norma toscana.
Ind i prim agn del secol XXI, i so cerne grafege i è staite recuperade come bas per la creazion de l'ortografia Scriver Lombard.[3]
Carateristege
ModifegaIntra i trats unifegants de la koinè i è considerads:
- ol riferiment ai modei leterare latin, provenzal, frances;
- ol ciapar dei forme comun a tut ol territore;
- la jeneralizazion dei forme local, o ben ol spantegar dei trats lenguisteg for del territore d'orijen;
- la progressiva eliminazion dei particolaritaa local.
Autor
ModifegaSecol XIII
Modifega- Bonvexin de la Riva (Milan): poemets;
- Petro da Barsegapé (Milan): Sermone del 1274;
- Uguçon da Laodho (Lod): Liber;
- Gerard Pateg (Cremona): Splanamento;
- Jacomin da Verona: poemets;
- Guido Fava (Bologna): Gemma purpurea e Parlamenta et epistole;
Secoi XIV-XV
Modifega- Antonio da Ferrara: Prima che ‘l ferro arossi i bianchi pili;
- Nicolò de' Rossi (Trevis): Canzoniere;
- Francesco Vannozzo (Padova): Rime;
- Anonem (Milan): Loment de Bernabò Vescont.
Riferiments
Modifega- ↑ (IT) Adolfo Mussafia, Monumenti antichi di dialetti italiani, Vienna, Tipografia di Corte e di Stato, 1864.
- ↑ (IT) Koinè, Rosario Coluccia, Enciclopedia dell'italiano (2010), Treccani
- ↑ L. Brasca, Scriver Lombard. Un'ortografia polinomeg-local per la lengua lombarda, 2014, 9, 17. 978-88-96751-16-9
Bibliografia
Modifega- (IT) Sanga, Glauco. La lingua lombarda. Dalla koinè alto-italiana delle Origini alla lingua cortegiana