Wikipedia

La canzon pussee misteriosa de l'Internet

Quella vos chi l'è orfena, o ben la gh'ha minga di conligament che riven de alter vos.
Meten dent almen vun che 'l vaga ben e toeu via quella vis chi.
Lombard Quest articol chì l'è scrivud in lombard, con la Noeuva Ortografia Lombarda

La canzon pussee misteriosa de l'Internet (anca cognossuda 'me Like the wind, Blind the wind, Check it in, check it out o Take it in, take it out del test interpretad de la canzon) a l'è nom dad a la registrazzion de una canzon, fada su in di agn 80 del 1900, che se ne cognossiva no la soa origin, né el so autor e gnanca el so nom o el dì de registrazzion.

La canzon l'è stada registrada de la radio todesca Norddeutscher Rundfunk (NDR) in d'una data descognossuda (se pensa 1983 o 1984). Del 2019 la canzon l'è vegnuda un lavorà viral de l'Internet, con tant dovrador de sit compagn del Reddit e del Discord trad dent per lavorà insema per trovà i origin de quella canzon chì[1]. El 4 de november del 2024 l'utent del Reddit marjin1412 el gh'ha identifegad la canzon col nom de "Subways of your Mind" de la band todesca "FEX".

Storia

Modifega
 
Una lista de canzon de la casseta del Darius con dent anca «La Canzon pussee misteriosa de l'Internet» cont el nom de «Blind the wind», «Inorba el vent» in lombard.

Segond un articol del Rolling Stone stampad foeura in del setember del 2019, un om ciamad Darius S. l'ha registrad la canzon de una trasmission che l'haveva scoltad de la radio publega todesca NDR[1]. El Darius l'ha registrad la canzon in su una casseta, che la gh'haveva dent anca canzon di XTC o di the Cure. Se pensa che la canzon l'è stada registrada in del 1984, desgià che la pupart di canzon de la casseta eren stade publicade arent al 1984. Un indizzi pussee sora quella idea chì l'è la casseta Technics che l'ha doperad per registrà, che l'è stada fada su anca lee in del 1984[1]. Per havégh una registrazzion neta e ciara di canzon, el Darius l'ha ranzad i dialogh di comentador de la radio, e forsi propi per quella reson chì se cognoss no la soa origin[2].

In del 1985 el Darius l'haveva fad su una lista de canzon in de la soa collezzion con denter canzon descognossude; a la fin el je haveva digitalizade in del 2004 e l'haveva salvad i file in format .aiff e .m4a. La Lydia H., la soa sorella, la gh'haveva dad al so fradell un domini web 'me cadò per el compleann che l'ha doperad per fà cognosser la so lista de canzon[3].

El 18 marz del 2008, la Lydia l'haveva menad la ricerca in su l'internet con l'intenzion de cercà de identificà la canzon. Cont el pseudonim de "Anton Riedel", al principi l'ha tacad a cercà in su de.rec.musik.recherche, ma a la fin l'è andada in su sit con strument per identificà i canzon, sota consili del doperador Andreas Eibach. La Lydia l'ha metud foeura un toch digital de la canzon in su best-of-80s.de, un sit todesch de sostegnidor de la musega synth-pop di agn votanta, e in su spiritofradio.ca, un sit dedicad a la radio canadesa 102.1 The Edge[1].

Fenomen viral de l'internet

Modifega

El misteri de la canzon descognossuda l'è vegnud viral in del 2019, quand che un fioeul brasilian ciamad Gabriel da Silva Vieira l'ha tacad a cercà l'origin de la canzon, dopo che l'era stad informad del Nicolas Zuniga del studi de registrazzion spagnoeul Dead Wax Records. El Gabriel l'ha caregà el toch de la canzon in sul YouTube e in tant comunità del Reddit sora la musega. A la fin l'ha fad su la comunità r/TheMysteriousSong.

El 9 luj del 2019 el YouTuber american Justin Whang l'ha publegad un episodi di cunt de l'internet che parlava de la canzon e l'ha tacad la soa ricerca fina adess[4]. Dopo quell video chì, alter doprador de l'internet hann ajutad a cercà de identificà la canzon.

L'1 de marz del 2021, el YouTuber venezzuelan e scritor DrossRotzank l'ha caregad un video ciamad "3 videos que te van a dejar mucho en qué pensar" (3 video che te lassarann tant de pensà) e dent se parla del misteri de questa canzon chì. El video l'è rivad a vesser vist 2.000.000 voeulte a marz 2021.

Dopo che l'è stad publegad el video, el doprador del Reddit u/foreveranemptybliss la scrivud del tema in su r/Germany. Poeu el u/johnnymetoo l'ha publegad una version intrega de la canzon, che el gh'ha havud de un ligam a una publegazzion de l'Usenet de la Lydia prima de vesser scancellad[5]. De lì in poeu inn stad fad tant contat per la ricerca, 'me per esempi el Paul Baskerville, vun di comentador de Musik Für Junge Leute, la GEMA, un'organizazzion governamental de dirit a la performance, e un canal YouTube ciamad 80zforever, che gh'ha tant video de musica descognossuda[1]. Quei contat chì inn tegnud in d'un file excel per tegnì in cunt tucc i indizzi de l'investigazzion. La comunità oficial del Discord l'ha anca trovad divers alter media descognossud[6][7]. Desgià che l'è vegnud un fenomen de l'internet, inn stad anca fade diverse cover de la canzon[3]. El Baskerville el sospeta che la canzon l'era domà una demo che l'è stada metuda una voeulta di presentador de la NDR e poeu trada via[8].

Ligam de foeura

Modifega

Riferiment

Modifega
  1. ↑ 1,0 1,1 1,2 1,3 1,4 (EN) Browne, David (24 setember 2019). "The Unsolved Case of the Most Mysterious Song on the Internet". Rolling Stone. Tolt el 23 november 2019
  2. ↑ (DE) Reeve, Tanja (30 masg 2020). "Die Jagd nach dem Most Mysterious Song on the Internet". Braunschweiger Zeitung. Tolt el 3 luj 2020
  3. ↑ 3,0 3,1 (DE) "Most Mysterious Song: Wie die Suche nach dem rätselhaften Song begann". Spontis. Tolt el 16/08/2020.
  4. ↑ (EN) "The Most Mysterious Song on the Internet - Tales From the Internet".
  5. ↑ "Complete version of the song". Tolt el 16 sgiuni 2021.
  6. ↑ (EN) Schultz, C.W. (11 otober 2020). "5 MORE Mysterious Songs That Were Eventually Identified".
  7. ↑ (EN) "TheMysteriousSong"
  8. ↑ (DE) "Hamburg Journal: Der geheimnisvolle Song aus dem NDR Archiv | ARD Mediathek". www.ardmediathek.de. Tolt el 9 december 2020.
Utegnüü da "https://lmo.wikipedia.org/w/index.php?title=La_canzon_pussee_misteriosa_de_l%27Internet&oldid=1290119"