- 1 de sginer: el Belgi el ciapa la presidenza de turno de l'Union europea
- 1 de sginer: l'Artsakh l'è desligad ofizzialment
- 1 de sginer: l'Etiopia la firma un memorandum cont el Somaliland per podè doperà i so port in cambi del recognossiment
- 1 de sginer: Egit, Etiopia e Iran vann dent ai BRICS
- 7 de sginer: la Liga Awami del Bangladesh la vinc i elezzion legislative per la quarta voeulta de fila
- 14 de sginer: la Margarita II de Danimarca la lassa el trono al prenzip Federigh de Danimarca
- 26 de sginer: la Cort de Giustizzia di Nazzion Unide ghe ordina a Israell de schivà ogni azzion che la po menà a un genocidi a Gaza
- 31 de sginer: el sultan Ibrahim Iskandar de Johor l'è elesgiud Re de la Malesia
- 4 de fevrer: el Nayib Bukele l'è elesgiud torna president de El Salvador
- 7 de fevrer: l'Ilham Aliyev l'è elesgiud ancamò president de l'Azerbaigian
- 11 de fevrer: l'Alexander Stubb l'è elesgiud president de la Finlandia
- 28 de fevrer: Haiti el deciara el stat de emergenza dopo che di bande armade hann squasi ciapad el controll del Paes
- 7 de marz: la Svezzia la va dent a la NATO
- 13 de marz: l'UE la passa l'AI Act, prima lesg al mond per normà l'intelligenza artificial
- 15-17 de marz: el Vladimir Putin l'è confermad ancamò president de la Russia
- 25 de marz: el Consili de Sigurezza di Nazzion Unide el ciama un cessee el foeugh a Gaza e 'l domanda che sien lassad andà tucc i ostagg
- 31 de marz: Romania e Bulgheria vann dent al spazzi Schengen
- 1 de avril: Israell el taca l'imbassada iraniana a Damasch
- 5 de avril: la polizzia de l'Ecuador la va dent l'imbassada messicana per menà via l'ex vizepresident Jorge Glas, che el Messich gh'haveva dad asili, quella violazzion chi de l'imunità diplomatega la mena i du paes a s'cepà i relazzion
- 6 de avril: el Peter Pellegrini l'è elesgiud president de la Slovachia
- 8 de avril: eclissi del Sol in Nord America
- 9 de avril: el Simon Harris l'è el pussee sgiovin Taoiseach irlandes dopo che 'l Leo Varadkar el s'è dimetud
- 13 de avril: l'Iran el respond cont un rosc de dron contra Israell per el so atach a l'imbassada
- 7-11 de masg: Eurovision Song Contest a Malmö, el vinc el cantant svizzer Nemo con la canzon The Code
- 8 de masg: la Gordana Siljanovska-Davkova l'è elesgiuda presidenta de la Macedonia del Nord
- 15 de masg: atentad contra el premier slovach Robert Fico, che 'l resta ferid
- 20 de masg: el reoplan del president iranian Ebrahim Raisi el se s'centra e 'l moeur
- 24 de masg: la Cort Internazzional de Giustizzia ghe ordena a Israell de andà no inanz a Rafah
- 29 de masg: elezzion in Sudafrica che veden el Congress Nazzional African perder la magioranza assoluda
- 30 de masg: el Donald Trump l'è condanad de 'na giuria de Noeuva York per havé falsifegad di register comerciai, l'è el prim ex president a vessél
- 1 de sgiugn: finissen i elezzion in India
- 1 de sgiugn: l'Halla Tómasdóttir l'è elesgiuda presidenta de l'Islanda
- 6-9 de sgiugn: elezzion per el Parlament europee
- 19 de sgiugn: el Putin e 'l Kim Jong-un firmen un tratad de assistenza militar a Pyongyang
- 20 de sgiugn: el Mark Rutte l'è elesgiud secretari de la NATO
- 24 de sgiugn: atentad terroristegh in Daghestan lassen vint mort
- 30 de sgiugn: prim turno di elezzion legislative francese, ciamade del Macron dopo di europee
- 1 de luj: l'Ongaria la ciapa la presidenza de turno de l'Union europea
- 1 de luj: la Cort Suprema di Stat Unid in la sentenza Trump v. United States la scerniss che el president di Stat Unid el gh'ha una certa imunità penal per quell che 'l fa
- 4 de luj: elezzion in del Regn Unid che veden i Conservador andà via del governo dopo 14 agn, el Keir Starmer l'è el noeuv premier
- 5 de luj: el reformista Masoud Pezeshkian l'è elesgiud president de l'Iran
- 19 de luj: un problema informategh in sul software CrowdStrike el bloca vari sistema informategh de gran importanza
- 21 de luj: el Joe Biden el nonzia de recandidàss pu a la Cà Bianca e 'l passa la man a la Kamala Harris
- 28 de luj: elezzion presidenziai in Venezzuela, el Nicolas Maduro el bat l'Edmundo González Urrutia, ma la saria stada 'n elezzion brojada!
- 30 de luj: rebellot in del Regn Unid dopo de 'n cortellament de massa
- 1 de avost: Russia e Stat Unid fann un scambi de presoner, el pussee grand de la Guerra Freggia
- 5 de avost: la Shehikh Hasina la se dimet de prima ministra del Bangladesh dopo un frach de proteste, a l'è sostituida del Muhammad Yunus
- 9 de avost: un reoplan el se s'centra in Brasil arent a San Paol, gh'è 62 mort
- 11 de avost: la scomincia la contra-ofensiva ucraina in la region russa de Kursk
- 14 de avost: l'OMS la deciara el varioeul di simie 'n emergenza internazzional
- 23 de avost: un imigrad sirian el copa a cortellade trè persone in Germania, facc che 'l mena a una discussion in su l'imigrazzion
- 28 de avost: scomincen i Paralimiadi de Paris
- 2 de setember: la Cort Suprema del Brasil la bloca la piataforma social X per desinformazzion
- 8 de setember: finissen i Paralimpiadi de Paris
- 17-18 de setember: Israell el fa soltà i cerca-persone de Hezbollah insì de mazzà e ferì vari so esponent
- 26 de setember: l'oragan Helene el passa in su la Florida e 'l lassa pussee de 200 mort
- 27 de setember: Israell el copa el leader de Hezbollah Hassan Nasrallah
- 38 de setember: el Regn Unid l'è el prim paes del G7 a bandonà el carbon per fà energia, dopo 142 agn
- 1 de otover: Israell el va dent al Liban del Sud in la soa ofensiva contra Hezbollah
- 6 de otover: el Kazakistan el vota a favor di centrai nuclear
- 16 de otover: el leader de Hamas Yahya Sinwar l'è mazzad in d'un sconter a foeugh con l'armada israeliana
- 26 de otover: in di elezzion del parlament georgian el partid filoruss Soeugn Georgian el ciapa una magioranza
- 27 de otover: in di elezzion giapones el Partid Liberaldemocrategh el perd la soa magioranza
- 30 de otover: deluvi in Spagna, centiner de mort, soratut arent a Valencia
- 3 de dicember: el president de la Corea del Sud Yoon Suk Yeol el deciara la lesg marzial in direta TV a cusà l'oposizzion de vesser anti-stat e pro-Corea del Nord, el rebellot che gh'è stad dopo l'ha menad a toeulla via
- 8 de dicember: dopo de 'n ofensiva straluss i ribei ciapen Damasch, el borla sgiò el regim di Assad in Siria
- 1 de sginer: Niklaus Wirth, informategh svizzer
- 4 de sginer: Fabio Fabbri, politegh italian
- 4 de sginer: David Soul, ator anglo-american
- 5 de sginer: Giulio Santagata, politegh italian
- 5 de sginer: Herbert Linge, pilota d'auto todesch
- 7 de sginer: Franz Beckenbauer, sgiugador de folball e mister todesch
- 7 de sginer: Alberto Colombo, polita d'auto italian
- 11 de sginer: Fabio De Felice, politegh italian
- 14 de sginer: Lev Rubinstein, scritor russ
- 16 de sginer: Hans Feurer, fotograf svizzer
- 19 de sginer: Mario Eduardo Dorsonville-Rodríguez, vescov colombian
- 22 de sginer: Gigi Riva, sgiugador de folball italian
- 24 de sginer: Alberto Tanasini, vescov italian
- 26 de sginer: Emanuele Catarinicchia, vescov italian
- 27 de sginer: Bruno Segre, giornalista e partesan italian
- 29 de sginer: Delio Lucarelli, vescov italian
- 29 de sginer: Sandra Milo, condutora televisiva italiana
Wikinotizie el gh'ha dent notizzie in su 2024
Wikimedia Commons el gh'ha dent imagin o alter archivi su 2024
