Licee statal Gian Battista Vico (Corsegh)
|
Quest articol chì l'è scrivud in lombard, con la Noeuva Ortografia Lombarda |
El Licee statal Gian Battista Vico a l'è una scoeula superior italiana de Corsegh, in su la Vigevanesa. El compartiss la sed con l'I.I.S. Falcone-Righi.
Storia Modifega
L'è fad su in del 1977 'me sezzion destacada de 'n licee scentifegh milanes e 'l deventa autonom in del 1979, in del 1984 a l'è intitolad al Gian Battista Vico. In l'ann scolastegh 1986-87 el licee l'aderiss al PNI, che 'l preved el studi de la fisega sgiamò in di prim du agn, a travers de l'informatega, e pussee de matematega e, in l'ann scolastegh 1990-91 l'è mitud, 'me alternativa, el studi de do lengov foreste.
In l'ann 2001-02 l'è mitud el licee di scenze sociai, pensad per quei che voeulen andà inanz in setor compagn de la giurisprudenza, de la psicologia e di scenze de la comunicazzion.
In del 2009 l'è ativad anca un cors parzial del PNI, con domà el potenziament de matematega. L'ann dopo, con la reforma Gelmini, l'è partid in do adresse: licee scentifegh e licee di scenze umane con opzzion economegh-social. In del 2013 l'è ativad anca quell de bas.
In del 2019 la scoeula la se sgionta al sistema Cambridge e l'è donca possibel scernì 'n opzzion con varie materie in ingles, che la darà un diploma ingles valid oltra a quell italian.
Dirigent Modifega
- Prof. Romeo Brambilla (1976-1979)
- Prof. Fernando Guagnini (1980-1983)
- Prof. Daniele Straniero (1983-1984)
- Prof. Cosimo Cetera (1984-1985)
- Prof. Piergiorgio Tagliolato (1985-2000)
- Prof. Iliano Geminiani (2000-2008)
- Prof.ssa Daniela Lazzaroni (2008-2009)
- Prof. Roberto Ceriani (2010-2015)
- Prof.ssa Silvia Bassi (2015-)
Adresse Modifega
Incoeu l'ofriss trè adresse:
- Licee scentifegh
- Licee di scenze umane
- Licee di scenze umane con opzzion economegh-social