Luis Manzon
El Luis Manzon (it. Luigi Manzoni; Lecch, 1892 - Lecch, 1979) l'è staa on poeta lombard.
L'era el discendent de ona fameja de la Valsasna padrona de ona filanda. El Manzon l'è probabilment l'autor pussee important in del panorama de la poesia dialettal lecchesa.
La sò oeuvera principal, in mezz a ona granda produzzion poetega, l'è El Cavalier Gerenzon (del nomm de vun di trii riaa che traversen Lecch), poemett in tre part e 162 sestinn publicaa in del 1954.
On esempi Modifega
EL MÈ PAES
Ariôs fin tropp, spartii tra 'na filera
de mont, sott Pescarenech el scorr via
sto lagh, ch'ha fiorii ingegn senza la bria
come i giardin cressuu per la riviera,
e scoeut la seet ai praa de Lombardia.
I usanz dess ciappen l'aria forestera:
el fil de ferr el gh'ha cambiaa la cera
ma de lontan el vee la nostalgia.
E quand se sfoga la rabbia del tivan
quand la breva carezza a ogni paês
la lûs di mont, la vôs di sò campan,
la borsa e 'l coeur diventen minga secch:
risona tra i dò spond la pâs di gês,
e scià sul fosch se frosna al ciar di becch.
Bibliografia Modifega
- AA.VV., Antologia della poesia nelle lingue e nei dialetti lombardi dal Medioevo al XX secolo, Milan, Libri Schweiller, 2006.