Mahilëŭ

Quest articol chì l'è scrivuu in lombard, grafia milanesa.

Mahilëŭ (cirilligh: Магілёў; in russ: Могилёв/Mogilëv; in polacch: Mohylew; in ucrain: Могильов/Mogyl'ov; la pronuncia lombarda l'è pù o manch Mahiliòu per el bieloruss e Maghiliòff per el russ) a l'è ona città de la Bielorussia oriental.
La città la se troeuva longh i spond del fiumm Niper e la cunta ona popolazion de 360.000 abitant. Mahilëŭ l'è capital del voblasc' omònim.

Ona gesa de la città

Stòria

Come tant alter città bieloruss, la s'è trovada sòtta i domini del Principaa de Smolensk, de la Lituania e de la Polònia, prima de tornà de noeuv in de l'Imperi Russ (in del 1772, pòcch prima de la spartizion de la Polònia).
Duranta el XIX secol l'è vegnuda ona città importanta in de la ministrazion de la Bielorussia. Duranta la Segonda Guerra Mondial l'è stada occupada di todesch, che hann coppaa quasi tucc i giudee che ghe viven, che eren pròppi tant.
A Mahilëŭ (che l'è anca molto conossuda col sò nòmm russ) l'è nassuu el composidor american Irving Berlin (nassuu 'me Izrail' Bejlin) e gh'ha studiaa a l'Università el president de la Bielorussia Aleksandr Lukašenko.

Città gemellaa

• Włocławek, Polònia.
• Gabrovo, Bulgaria.
• Villeurbane, Francia.
• Bardejov, Serbia.
• Eisenach, Germania.
• Kerč, Ucraina.
• Tula, Russia.
• Klaipėda, Lituania.