Manifest de Verona

Lumbard ucidental Quest articol chì l'è scrivuu in lombard, grafia milanesa.

El Manifest de Verona a l'è staa el pian programmatich del Partii Fassista Republegan per la Republega Sociala Italiana, el Stat fantocc de la Germania Nazista in l'Italia mìnga governada di Savoja e di Liaa.

Approvaa el 14 de november 1943 durant del Congress de Verona, a l'è consideraa l'att fondant del Stat, anca se la pupart di att a hinn staa no applicaa del sò governo.

ContegnuuModifiché

El manifest el gh'ha 18 pont e l'éra introdott de 'n preambol in sui legg razziai e in su la lianza cont la Germania e 'l Giappon.

I pont revarden:

  1. Convocà 'n Assemblea Costituenta per eliminà la monarchia e mett la republega
  2. Creà la Costituenta cont i mèmber di sindacaa fassista e i reppresentant di circoscrizion e di provincc
  3. Libertà de critica in la Costituent, independenza de la magistratura e obbligh de convalida di arrest dent de ona semana
  4. Elezion popolara de la Cambra di Fass e di Corporazion e di reppresentant, nomina del governo de part del Duce
  5. Monopartitism cont on partii garant de la revoluzion fassista, sènza obbligh de vèss tesseraa per lavorà
  6. Cattolicesim religion de Stat cont tolleranza per i alter cult, finna che contrasten no cont la legg
  7. Qualifica di giudee 'me forestee e, in guerra, 'me desenemis
  8. Tutela di confin de sangh d'Italia, abolizion del capitalism interno e respett di popolazion coloniai indigen, soratutt quej islamich
  9. Definizion del lavorà in ogni soa forma 'me fondament de la RSI
  10. Recognossiment de la proprietà privada senza sfruttament del lavorà
  11. Gestion di servizzi publegh de part del Stat e equiparazion de l'interess privaa a quell publegh
  12. Socializzazion de l'industria
  13. Espropriazion di terr incolt per dàj ai lavorator
  14. Diritt per i lavorator de lavorà in familia
  15. Diritt a la cà
  16. Iscrizion obbligatoria al sindacaa
  17. Salari minim, bottegh a prezz calmieraa e pena de mort per i speculator del mercaa negher
  18. Affermazion del Partii 'me entità de la part del Popol

Vos corelaaModifiché