Manegh

Quest articol chì l'è scrivuu in lombard, grafia milanesa.

El manegh a l'è la part d'on ogett o de 'n istrument che la se ciappa con la man. El pò avèggh vari formi e dimension, anca a segonda de la soa fonzion: per esempi, se 'l serviss a tirà su o trasportà l'ogett (ona valisa, on sedell...), o a tegnìll in man (on cortell, on martell, ona scova, on remol...). Inoltra el pò vess de vari materiai, compagn de l'avori, d'oss, de ferr, de plastega, de legn.
In di istrument a corda (violin, ghitarr e via inscì) el manegh a l'è la part pussee longa e streccia, indè che se troeuva la tastera di cord.

On mazzott cont el sò manegh.

El nomm

La parolla "manegh" la riva de on latin volgar *manĭcu(m), che l'è colegaa cont el termen manus (cioè "man"). El termen l'è spantegaa anca in olter lengov romanz, compagn de l'italian manico, del spagnoeu mango e del catalan mànec.
El termen latin classegh, ansa el s'è conservaa in del portoghes alça.