Marcall cont el Cason

Quest articol chì l'è scrivuu in lombard, grafia milanesa.

Marcall cont el Cason (pronuncia local: [ma'rkal 'kunt əl ka'zoɳ]; Marcallo con Casone) l'è on comun de la Provincia de Milan che 'l cunta 6 240 abitant. Marcall la se troeuva a òvest de Milan, vers el fiumm Tisin e donca vers el Piemont.
Marcall l'è gemellaa cont el comun frances de Bubry e con quell irlandes de Macroom.

Marcall cont el Cason
Comun

Dats aministrativ

Politega

Consili comunal

Territore

Coordinade

45°29′53.45″N 8°52′34.86″E / 45.49818°N 8.87635°E

OSM

147 m s.l.m

8,21 km²

6 222 ab.
(1º genar 2023)

Densitaa

757.86 ab./km²

Confin

Boffalòra, Magenta, Ossòna, Sastevan, Barnaa e Mesar

Fus orari

UTC+01:00 e UTC+02:00

Varie

Prefiss

02

Codex postal

20010

Sigla autom.

MI

Codex ISTAT

015134

Codex catastal

E921

Cl. climatega

Cl. sismega

Localizazion

Sit istituzional

Stòria

El comun l'è compòst de quatter center:

Marcall: i testimonianz stòrich sora i origin de Marcall hinn pròppi pòcch. Trai document pussee vegg in di quai troeuvom on riferiment precis a Marcall, regòrdom on diplòma de l'Enrich III del 1054 e 'l Liber Notitiæ Sanctorum Mediolanensis de Goffred de Busser (1280), indove l'è citada la gesa de Marcall. El 15 dicember 1651 Marcall l'è vegnuda indipendent, con l'avè pagaa 1890 lir milanes a la Camera Real per liberàss del vassallagg; ma on secol pussee tard el paes l'ha lassaa perd la soa libertà e l'è diventaa on feud del Ludovich Vitai. A partì del XIX secol fina a l'unidà italiana, Marcall la gaseva part de la Provincia de Pavia.
Menedragh: comun fina al XIX secol, la comprendeva i sitt ciamaa Cason, Barch, Asmont e Cassina Noeuva. In de l'epoca napoleòniga Menedragh la faseva part del dipartiment de l'Olòna. In del 1859 l'ha ciappaa el nòmm de Cason. Al dì d'incoeu l'è voeuna di dò frazion reconossuu del comun de Marcall.
Barch: l'è on borgh de origin longobarda. Al center la gh'è ona gesetta del XIII secol dedicada a San Michel Arcangiol, protettor di Longobard. 'Sto borgh piscinin l'ha viduu nass on illuster prelaa: el 18 april 1874 gh'è nassuu Monsignor Paolo Castiglioni, che l'è staa, duranta la soa carrera, president del Tribunal Ecclesiastich, vescov titolar de Famagosta e ausiliar de la diòcesi ambrosiana. L'ha participaa anca al conclave che l'ha vist elegg el Pio XII. Quand che l'è mòrt, el 19 marz 1943, l'ha voruu vess interraa pròppi a Barch, paes cont el qual l'ha semper tegnuu di legamm fòrt.
la Marchesina ([marki'zina])

Evoluzion demografega

L'andament del numer di abitant del comun de Marcall cont el Cason l'è mostraa in la tabella chi de sotta:

Abitant censid