Marco Bestetti
|
Quest articol chì l'è scrivud in lombard, con la Noeuva Ortografia Lombarda |
El Marco Bestetti (Milan, 3 de november 1987) a l'è un politegh italian.
Biografia
ModifegaNassud a Milan, el se diploma al licee scentifegh Vittorini e 'l se laurea in giurisprudenza a l'Università Catolega del Sacher Coeur, a specializàss in dirit de l'impresa. L'ha fad un master a Bologna e 'l lavora 'me consulent legal a Milan.
Atività politega
ModifegaDe sgioven el taca a andà in di ambient forzista e in tra i Student per la Libertà.
In del 2011 a l'è elesgiud in di liste del Popol de la Libertà in del consili de la Zona 7 de Milan. In del 2016 a l'è candidad president de quell municipi li per la coalizzion de center-destra e l'è elesgiud al prim turno.
In l'avost 2019 a l'è nomenad del Silvi Berluscon coordinator nazzional de Forza Italia Sgiovin. El 6 de avost 2021 l'ha did de volé candidàss pu in del Municipi 7 ma de pontà al Consili Comunal, indova l'è elesgiud in di ministrative.
El 12 de dicember del 2022 el nonzia de andà via de Forza Italia e 'l 28 el deciara de candidàss in di elezion regionai del 2023 con Fradej d'Italia. L'è minga elesgiud subit, ma cont i assessor che inn sospendud de l'Assemblea el va comunque su.
In la coltura popolar
ModifegaA l'è propi cognossud perchè protagonista de 'na barzelleta che 'l Berluscon l'ha cuntad su quand che l'era con lu in sul palch, quella del commendator Bestetti, indova che 'l va con la mier in d'un night club e quand che lee la ved la vita de vivoeur del marid la se inrabiss propi tant e quand che ciapen una machina de piazza el tassista, che 'l sent i loment de la mier, ghe dis a lu, in dialet milanes, che de roje n'ha portade tant, però vuna inscì bruta e grama mai.