Massimo Zanello
|
Quest articol chì l'è scrivud in lombard, con la Noeuva Ortografia Lombarda |
El Massimo Zanello (Milan, 14 de setember 1965) a l'è un politegh italian.
Biografia Modifega
Diplomad al Licee classegh Isep Parin, l'è elesgiud consejer comunal con la Liga Nord a Villa Cortesa in del period 1988-1994, e del 1993 al 1994 a l'è stad assessor al bilancc. Del 1990 al 1995 l'è stad consejer provincial de la provincia de Milan, e in tra el 1994 e 'l 1995 l'è stad president de la Provincia. In del 1995 l'è stad anca assessor al comerci del comun de Milan.
In del 1995 l'è elesgiud consejer regional in del collegi de Milan e l'è elesgiud an'mò in del 2000, e del 2000 al 2005 l'è assessor ai imprese piscinine e a l'industria. Elesgiud an'mò in del 2005 in del collegi de Monscia e de la Brianza, l'è nomnad assessor a la coltura, identità e autonomie, roeull che 'l tegn fina al 2010. In tra el 2010 e 'l 2012 a l'è sota-secretari al cinema de la darrera sgionta del Formigon.
In del 2016 a l'è el candidad del center-destra in di elezzion comunai de Des, ma el perd, in del 2020 el se dimet del consili comunal, per poeu sgiontàss a Italexit del Gianluigi Paragone, tant de vesser capolista de la soa lista civega, che la entra no in consili per poch de vot.