Mercugnan

Quest articol chì l'è scrivud in lombard, con la Noeuva Ortografia Lombarda

Mercugnan a l'è una località del comun de Medija vers Pantijad.

El nom el podaria vegnì del nom latin de persona Merculianus (alterazzion de Mercurianus). Un'oltra ipotesi, che la vegn del nom antigh Mercugnago scrit in di document passad, l'è che 'l poda vegnì del compost Mercurii ager, cioè "camp de Mercuri".

Storia

Vegg comun de la Piev de San Giulian. In del 1757 ghe vegn tacad el comun de Villa Zorli, che la diventa una so frazzion. Mercugnan l'è tacad a Bustighera in del 1809 e a Medija in del 1811. In del 1816, tornad i austriegh, a inn tucc ripristinad, ma in del 1841, in del tentativ de razzionalizà i ministrazzion, ghe tachen Canobi con Mombret e Betola Vercell, Gavazz e Vijan con Saresan. Rivad i Savoja, el comun l'era rivad a 983 abitant, e l'è tacad in del 1869 a Medija.

Riferiment

• Mercugnano - LombardiaBeniCulturali

Bibliografia

• La Chiesa Parrocchiale di Triginto - Mediglia: Una Chiesa il suo popolo e la sua storia, Rinaldo Perversi, Mediglia, 1995
• Storia di Mediglia, Sergio Leondi; dtampato da Roberto Gradella, Peschiera Borromeo, 2011