Michele Di Tolve
|
Quest articol chì l'è scrivud in lombard, con la Noeuva Ortografia Lombarda |
El Michele Di Tolve (Milan, 19 de masg 1963) a l'è un vescov catolegh italian, del 26 de masg del 2023 vescov ausiliari de Roma e titolar de Orrea e del 4 de luj del midem ann retor del Seminari Magior de Roma.
El so motto 'me vescov a l'è inscì che andee e portee frut, in italian Perché andiate e portiate frutto.
Biografia
ModifegaNassud a Milan, el studia per fàss pret al Seminari Arcivescovil de Milan e 'l 4 de dicember del 1988 l'è fad diacon del Carlo Maria Martini a Cesan Maderno, che 'l farà pret in del Dom de Milan el 10 de sgiugn de l'ann dopo, e l'è fad vicari de la parochia de Gervas e Protas a Novaa, e in del 1996 el manden, cont el midem incaregh, a la Gesa de l'Ausiliadora a Cassina de Pecci, e 'l fann anca incaregad de la pastoral di sgioven in la parochia de Sant'Agheta in la frazzion omonema.
El prim de setember del 2008 l'è fad del Dionis Tetamanz responsabel per l'insegnà de la religion a scoeula, e de quell ann lì al 2014 l'è delegad al suprem moderator de l'Istitut superior de scenze religiose. El 25 de sgiugn del 2014 l'Angiol Scola el nomina retor del Seminari de Milan, e 'l ciaparà el roeul el prim de setember de quell ann chi.
El vot de setember del 2015 el deventa canonegh onorari del capitol magior del Dom de Milan. El 2 de otover 2020 l'è fad curad de la Gesa de San Giovann Batista a Rò e de la gesa de Sant Ambroeus ad Nemus de Passirana, in su orden del Mario Delpini, e i so roeul in seminari inn dad al don Enrico Castagna.
Vescovad
ModifegaEl 26 de masg del 2023 el Papa Franzesch el fa vesch ausiliari de Roma e titolar de Orrea e 'l 4 de luj dopo el fa retor del Seminari de Roma, cont anca el roeul de fà pussee fort el ligam in tra i realtà che fann i pret e i gese de la diocesi. A l'è ordenad vescov in la catedral ambrosiana el 2 de setemper de l'arcivescov Delpini insema al cardenal Angelo De Donatis, vicari general per la diocesi de Roma, e 'l Luca Raimondi, vescov ausiliari de Milan.
Genealogia episcopala
ModifegaLa soa genealogia episcopala a l'è:
- Cardenal Scipione Rebiba
- Cardenal Giulio Antonio Santori
- Cardenal Girolamo Bernerio, O.P.
- Arcivescov Galeazzo Sanvitale
- Cardenal Ludovico Ludovisi
- Cardenal Luigi Caetani
- Cardenal Ulderico Carpegna
- Cardenal Paluzzo Paluzzi Altieri degli Albertoni
- Papa Benedet XIII
- Papa Benedet XIV
- Papa Clement XIII
- Cardenal Enrico Benedetto Stuart
- Papa Leon XII
- Cardenal Chiarissimo Falconieri Mellini
- Cardenal Camillo Di Pietro
- Cardenal Mieczysław Halka Ledóchowski
- Cardenal Jan Maurycy Paweł Puzyna de Kosielsko
- Arcivescov Józef Bilczewski
- Arcivescov Bolesław Twardowski
- Arcivescov Eugeniusz Baziak
- Papa Giovann Paol II
- Cardenal Carlo Maria Martini, S.I.
- Cardenal Dionigi Tettamanzi
- Arcivescov Mario Delpini
- Vescov Michele Di Tolve
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Michele Di Tolve
