Michele Foletti
Politegh svizzer, sindegh de Lugan del 4 de otober 2021
|
Quest articol chì l'è scrivud in lombard, con la Noeuva Ortografia Lombarda |
El Michele Foletti (Lugan, 21 de avril 1966) a l'è un politegh svizzer, sindegh de Lugan fasent fonzion de la mort del Marco Borradori e ofizzialment del 4 de otober 2021.
Biografia Modifega
Consulent aziendal independent, l'è consejer comunal a Lugan del 1992 al 1995 con la Liga di Ticines, ann che l'è elesgiud al Gran Consili, indova che l'è ancamò incoeu.
Con la noeuva elezzion a sindegh del Marco Borradori in del 2021, l'è nomenad vicesindegh de la cità, responsabel per la canzeleria comunal, i finanze, i resorse umane e i comunicazzion. Con la mort del sindegh, el ciapa in via provisoria la guida de la cità, prima de vesser confermad 'me sindegh el 20 de setember, con mandad che l'è scominciad el 4 de otober.