Marco Borradori
|
Quest articol chì l'è scrivud in lombard, con la Noeuva Ortografia Lombarda |
El Marco Borradori (Sorengh, 6 de sgiugn 1959 - Lugan, 11 de avost 2021) a l'è stad un politegh, avocat e nodar svizzer, sindegh de Lugan del 2013 a la soa mort in del 2021.
.jpg)
Biografia Modifega
Nassud a Sorengh, el ciapa la licenza in dirit in del 1983 a l'Università de Zurigh e in del 1986 el ciapa el diploma de avocat e nodar. L'è stad elesgiud deputad al Consili Nazzional con la Liga di Ticines del 1991 al 1995 e Municipal de la Cità de Lugan in tra el 1992 e 'l 1995. El 2 de avril 1995 a l'è elesgiud al Consili de Stat, indova che l'ha diret el Dipartiment del Territori, roeull che 'l molla in del 2013 quand che l'è elesgiud sindegh de Lugan, el prim de la Liga.
El 10 de avost del 2021, intant che 'l se allenava per la maratona de New York, el gh'ha 'n arrest del coeur e l'è ricoverad d'urgenza al Cardiocenter de Lugan, indova che 'l moeur el dì adree per sindrome de insuficienza multi-orghen.
Riferiment Modifega
Alter proget Modifega
Wikimedia Commons el gh'ha dent imagin o alter archivi su Marco Borradori
