Milan War Cemetery

Quest articol chì l'è scrivud in lombard, con la Noeuva Ortografia Lombarda

El Milan War Cemetery (Cimiteri de guerra de Milan in ingles) a l'è un fopon de Milan che gh'è mitud sota 417 soldad di armade del Commonwealth di Nazzion, de che 27 inn stad no identifegad, che hann tolt part a la guerra de liberazzion italiana e che inn mort in la segonda guerra mondial.

El cimiteri

A l'è dent al Parch de Trenn e gh'è dent un prad a l'inglesa con di lapid tute istesse, con denanz a l'entrada una cros bianca. La pupart di corp che gh'è dent vegnen no de Milan, che l'è stada ciapada di Liad senza sbarà nanca un colp perchè i partesan l'haveven sgiamò liberada, ma di bande arente de la Lombardia, del Piemont e de l'Emilia-Romagna, ma anca del comun frances de Val-d'Isère.

Se troeuva domà una dona, la Margaret Fielden, che l'era una fisioterapista del corp medegh morta in combatiment, e du paracrodista italian, che eren di collaborador di Liad, tucc e du sergent de vint agn: el milanes Guido Alessandro Voglino e 'l rovigot Rodolfo Marchiori.

Riferiment

• 189968 - Cimitero militare del Commonwealth di Trenno – Milano

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Milan War Cemetery