Milan 3

Quest articol chì l'è scrivuu in lombard, grafia milanesa.

Milan 3 (Milano 3 in italian) a l'è 'n quarter residenzial in la città de Basej faa su de la Edilnord del Silvi Berluscon e che 'l correspond cont la frazion ministrativa e ex comun de Roman Paltan.

Storia

A l'è staa faa su in tra el 1980 e 'l 1991, in su l'esempi del pussee piscininn Milan 2.

In tra el 1988 e 'l 1993 a l'è staa faa, a sud del quarter, "Milan 3 City", ossia on center direzional che 'l impiega pussee de 4'000 personn.

In del 2016 el Berluscon l'ha nonziaa de vorè fà 'n noeuv quarter, ciamaa Milan 4, semper a Basej.

Descrizion

Milan 3 el reppresenta, cont i sò 7'000 abitant, el 80% de la popolazion de Basej, e l'è a 13 km a sud de la capital lombarda. A l'è grand 14 km², ciovè cinch voeult l'estension de Milan 2 e l'è dotaa de 'n center diurn, trii scoeur matern, 'na scoeura primaria e media, di center sportiv e 'n sporting club. El gh'è anca on center commercial cont oltra 40 negozzi e in del center del quarter gh'è on center civich, ona sed del comun, 'na biblioteca e 'n auditorium. Grazia a di pont e di sottapass el traffich di veicoi 'l incrosa squasi mai quell di pedon e di spiciol.

Riferiment

Milano 3 - La Storia Arqiviad qé: [1]

Alter progett

Wikimedia Commons el gh'ha dent imagin o alter archivi su Milan 3

Vos corelaa

Milan 2