Milio Longon

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El Milio Longon (italian: Emilio Longoni; Barlassina, noeuv de luj del 1859 - Milan, 29 de november del 1932) a l'è staa on pittor lombard.
Nassuu in Brianza, l'era el quart de dodes fioeu. Sò pader l'era staa on garibaldin e on marescalch, la mader inveci l'era ona sartora.
Dopo i scoeul elementar, el va a Milan per lavorà 'me on garzon. In tra el 1875 e 'l 1878 el va a studià a Brera, indè che 'l vegna aprezzaa e ghe dann tanti recognossiment.
In del 1882 l'incontra el Giovanni Segantini, che 'l le presenta ai fradei Alberto e Vittore de Grubicy: quei duu lì eren propietari de 'na galleria per artista gioven.
In del 1886 el ciappa on apartament in via de la Stella (incoeu via Corridoni) al 45, e 'l tacca a lavorà comè pittor: el fa soratutt litratt de la nobiltaa e de la borghesia milanesa. In del 1891 el toeu part a la prima Triennal de Brera, e anca lì el gh'ha on bell poo de aprezzament. El tacca a doperà on stil divisionista.
El gh'ha di problema con la polizzia dopo i moti del 1898. In tra el 1900 e 'l 1932 el toeu part a tanti event internazzionai, anca se despoeu la Prima Guerra Mondial el se sarra semper pussee. Cont el passà di agn, el mocca de andà su in montagna (ogett de ispirazzion de tanti quader). In del 1928 el se sposa con la compagna Fiorenza De Gaspari.
El moeur in del 1932 in del sò studi, e 'l ven sotraa in del Cimiteri Monumental de Milan.