Minerva
|
Quest articol chì l'è scrivud in lombard, con la Noeuva Ortografia Lombarda |
La Minerva (etrusch: Menrva) l’è la deja romana de la saviezza, sgiustizzia, lesg, vitoria, e de sora maross una protetora dei art, comerzi e strategia. Impunemanch, l’era nò una patrona de la violenza compagn del dia Mart, ma la soraintendeva i stategie de guerra.[1] Adree al segond segol de l’Era comuna, i Roman hann scomenzad a metela a para con la deja grega Atena[2] e i carataristeghe soe de lee chì inn staite sincretizade ind la figura de Minerva. La Minerva l’è vuna di trè divinitaa capitoline, insema al Sgiœuv e a la Sgiunona.
L’è una deja versgen sozziada con la musega, poesia, medesina e i mester.[3] L’era sovenz figurada cont un orloch, bestia a lee sagrada,[4] che el representava la sozziazzion soa de lee a la saviezza e a la cognossenza e, pussee de rara, con l’arbor de olive. Minerva l’è depensgiuda coma una tosa atletega e in forma, cont adoss un’armadura e una lanza in man. Desgià che l’è la deja romana pussee importanta, la sò figura ind la Roma antiga l’era respetada, onorada e venerada fiss fiss.[5]
Referenze Modifega
- ↑ Bulfinch, Thomas. (2010). The Age of Fable, or Stories of Gods and Heroes.. Neeland Media LLC. ISBN 978-1-59625-257-8. OCLC 1028955021.
- ↑ Larousse Desk Reference Encyclopedia, Book People, Haydock, 1995, p. 215.
- ↑ Candau, Francisco J. Cevallos (1994). Coded Encounters: Writing, Gender, and Ethnicity in Colonial Latin America. University of Massachusetts Press, 215. ISBN 0-87023-886-8.
- ↑ Philosophy of Right (1820), "Preface"
- ↑ Fara, Patricia (2010-03-01). "Minerva/Athene" (in en). Endeavour 34 (1): 4–5. DOI:10.1016/j.endeavour.2010.01.001. ISSN 0160-9327.
Ligam de denter Modifega
Ligam de fœura Modifega
Wikimedia Commons el gh'ha dent imagin o alter archivi su Minerva
