Molin de Oggiaa

Quest articol chì l'è scrivuu in lombard, grafia milanesa.

El molìn de Oggiàa l’è 'na struttura realizzada innánz de l’ann 1000, a gh’è de fàtt di documént stòrich che ‘n pàrlen in del 857 d.C. A l’è on mólin de trià el gran el gh’hà du roeud, veouna in metàll e l’altra de legn. La ronsgia Molinara la ghe passa arent e cont i sò acqui le faseva moeuv. L’è situàa a Brughée in Via Cascina Occhiate 146. El molìn, innánz del 1912 l’era di mònegh de sant’Ambroeus che l’avéven doperàa per on ospizzi per i pellegrìn malàa. Di ann 70 el mólin, che l’è de proprietà privada de la famiglia Peraboni, l’è diventàa elèttrich degià che l’acqua de la rònsgia, che la ciapa i acqui del fiumm Lamber domà quand che l’è in piena l’è minga semper disponìbil. L’edifizzi al dì d’incoeu el ven doperà domà per fin de scoeula. In del cortìl del molìn gh’è denter 'na cappellètta e ògni ann in del mes de settember la famiglia proprietaria del molìn l’organizza ona granda fèsta in onór de la vérgin Marìa.

Vos correlad

• Brughee

Ligamm de foeura

• https://www.mulinoocchiate.it/

Bibliografia

• Frisi A., Memorie di Monza e della sua corte, 1794
• Modorati L., Cronistoria della citta di Monza dall'origine fino al 1900, Monza 1925
• Garlandini A./ Negri M., I monumenti storico-industriali della Lombardia, censimento regionale, Milano 1984
• Chiappa Mauri L., I mulini ad acqua nel Milanese, secoli 10-15, Roma 1984
• Ronzoni D.F., Dai campi alla fabbrica, alle origini della Brianza industriale, Missaglia 1994