Monester de Santa Barbara (Montaner)
|
Quest articol chì l'è scrivud in lombard, con la Noeuva Ortografia Lombarda |
El monester de Santa Barbara (in russ Варва́ринский монасты́рь) a l'è un monester ortodoss de la frazzion de Montaner, in del comun de Sarmede, che 'l depend de l'arcidiocesi ortodossa d'Italia del patriarcad ecumenegh de Costantinopel, considerada vuna di piataforme per el dialegh ecumenegh in tra catolegh e ortodoss.
La soa storia la va indree al scisma de Montaner, quand che per la nomina del curad la pupart del paisot l'ha lassad la gesa catolega per deventà ortodoss: in del sgiugn 1969 l'è fada su una gesa ortodossa, che l'è consacrada de l'Antoni de Sorusg, esarca per l'Europa ocidentala. La parochia, in del 1998, l'è mituda sota ofizzialment al patriarcad, e del 2000 gh'è vert el prim monester ortodoss d'Italia, con dent i done. Del 2001 el so sacerdot a l'è l'archimandrita italian Athenagoras Fasiolo.
El 14 de dicember del 2013 un gran foeugh el mena a la demolizzion de quella gesa chi, con la comunità che la fa san Martin in la Gesa de Santa Cecilia, che gh'hann imprestad i catolegh, e in del 2016 l'è mituda la prima preja la gesa noeuva, che però in di facc la scomincia in del 2019, cont anca una costruzzion anti-sismega adata a resister ai terramot che ghe podaria vesser.
Riferiment
Modifega- Nuovo monastero di Montaner, domenica la posa della prima pietra
- Monastero ortodosso di Montaner di Sarmede, padre Fasiolo: “Ponte di fede ortodossa e luogo di relazioni ecumeniche”
- Sarmede, il primo monastero ortodosso: nuovissimo sistema antisismico, potrebbe fungere da centro di rifugio
- Sarmede - Monastero ortodosso
Alter proget
Modifega
Wikimedia Commons el gh'ha dent imagin o alter archivi su Monester de Santa Barbara (Montaner)
