Nev
(Rimandad de Neu)
|
Quest articol chì l'è scrivud in lombard, con la Noeuva Ortografia Lombarda |
La Nev (anca Fioca) l'è 'na forma de precipitazzion de aqua giazzada a cristall, che la consist in d'una multitudin de toch de giazz propri picinìn, tuti con de bas la forma esagonal ma ognidun de tip divers.
Di albor coverti da nev
Dato che l'è faja da di part sgresg, l'è un material granular. La gh’ha 'na strutura verta e l'è donca molla, a men che la vegna miga schisciada da 'na pression esterna.
La nev la se forma in volta atmosfera, quand el vapor de l’aqua a temperadura sota ai 0 °C el fa partì el brinament. Lì, l’aqua la passa dal stat gassos a quell solid, par poeu 'rivà a terra senza deslenguàss.
Quest el suced quand la temperadura a terra l’è sota i 2 °C e in di nivell de mez se passon miga i 0 °C, sedenò la nev la và ad pioeuva.
Grandèzze e unità de mesura de la nevModifega
- freguenza (quanti dì el fiòca per ògni mes); la soa unità de misura a l’è dì de nev/ mes; [1]
- altèzza de la nev frèsca; la soa unità de misura a l’è el centimeter; [1]
- intensità de la pioeuva (quantità de nev borlada sgiò per unitàa de temp); la soa unità de misura a l’è el centimeter per ora (cm/h); [1]
- durada del mant nevos: quantità de dì che ‘l terren a l’è quatad de nev; la soa unità de misura l’è el dì; [1]
- coeficent de la nev: rapòrt in fra la quantità total de nev borlada sgiò e fada deslenguàa e donca esprèssa in millimeter equivalent de pioeuva e la quantità totàl di precipitazzion de l’ann; a l’è on numer senza unità de misura; [1]
- regim di nevicàde: com’è che i nevecade inn distribuìde in fra i vari stagión. [1]
RiferimentModifega
- ↑ 1,0 1,1 1,2 1,3 1,4 1,5 Mario Giuliacci (2010). Manuale di meteorologia (in italian). Alpha Test, 504-505. ISBN 88-483-1168-7.