Pioeuva
La pioeuva, o pleouvja, o pluvja, a l'è 'na sòrta de precipitazion atmosferega, on prudòtt de la condensa del vapor d'acqua che 'l croda giò in su la Tèrra di nivol.
Minga tuta la pioeuva la finiss cont el tocà la superfice terrèstra: intant che la ven giò, un tòcch el svapora a contatt con l'aria, che l'è ben pussée succia. Se nanca 'na gotta de pioeuva la riva a tocà la tèrra, chess chì l'è el fenòmen ciamaa Virga, che'l se ved despèss in di desèrt cald e sècch. El còdes METAR per la pioeuva l'è RA.
Record
Modifega- Precipitazion püssee granda in d'on minut: 31,2 mm registraa el 4 Genar 1956 a Unionville (Canada).
- Precipitazion pissée granda in d'on ora: 305 mm registraa el 22 Giügn 1947 a Holt (Alabama USA) e intra il 24 e il 25 Genar 1956 a Kilauea (Hawaii, USA).
- Precipitazion pussée granda in 12 or: 1.170 mm registraa el 26 Genar 1980 a Grand Ilet (Réunion).
- Precipitazion pussée granda in d'on dì: 1.825 mm registraa il 18 Genar 1966 a Foc-Foc, (Réunion).
- Precipitazion pussée granda in d'on mes: 9300 mm registraa in del Lüj del 1861 a Cherrapunji, (India).
- Precipitazion pussée granda in d'on ann: 26470 mm registraa intra l'Agust del 1860 e el Lüj 1861 a Cherrapunji, (India).
Classificazion de la pioeuva segond la soa intensità
Modifega| Forma de la precipitazion | Precipitazion [ mm/h ] | Diameter di gott mm | Velocità de crodada al soeul [ m/s ] | Densità in atmosfera [ mg/m3] |
|---|---|---|---|---|
| Piovisna | <1 | 0,2 | 0,75 | 93 |
| Pioeuva débol | 1-2 | 0,5 | 2 | 139 |
| Pioeuva moderada | 2-6 | 1 | 4 | 278 |
| Pioeuva fòrta | >6 | 1,5-2 | 5 | 833 |
| Acqueri | >10 | 2-3 | 6 | 1852 |
| Diluvi | >30 | 3 | 8 | 5401 |
Articoj conligaa
ModifegaRiferiment
Modifega- ↑ Mario Giuliacci (2010). Manuale di meteorologia (in italian). Alpha Test, 509. ISBN 88-483-1168-7.