Nev
![]() |
Quest articol chì l'è scrivud in lombard, con la Noeuva Ortografia Lombarda |
La Nev (anca Fioca, o antigament e a Orient Niv) l'è 'na forma de precipitazzion de aqua giazzada a cristall, che la consist in d'una multitudin de toch de giazz propri piscinit, tucc con de bas la forma esagonal ma ognidun de fate diverse.
![](http://upload.wikimedia.org/wikipedia/commons/thumb/f/f7/BrockenSnowedTrees.jpg/300px-BrockenSnowedTrees.jpg)
![](http://upload.wikimedia.org/wikipedia/commons/thumb/d/d6/Field-with-snow-champ-enneige.jpg/300px-Field-with-snow-champ-enneige.jpg)
Desgià che l'è faita de di part sgresg, l'è un material granular. La gh’ha 'na strutura verta e l'è donca moresina, a men che la vegna miga schisciada da 'na pression esterna.
La nev la se forma in volta atmosfera, quand el vapor de l’aqua a temperadura sota ai 0 °C el fa partì el brinament. Lì, l’aqua la passa dal stat gassos a quell solid, par poeu rivà a terra senza deslenguàss.
Quest el suced quand la temperadura a terra l’è sota i 2°C e in di nivell de mez se passon miga i 0°C, sedenò la nev la và de pioeuva.
Grandezze e unità de mesura de la nev
Modifega- freguenza (quancc dì el fioca per ogni mes); la soa unità de misura a l’è dì de nev/ mes; [1]
- altezza de la nev fresca; la soa unità de misura a l’è el centimeter; [1]
- intensità de la pioeuva (quantità de nev fiocada sgiò per unità de temp); la soa unità de misura a l’è el centimeter per ora (cm/h); [1]
- durada del mant nevos: quantità de dì che ‘l terren a l’è quatad de nev; la soa unità de misura l’è el dì; [1]
- coeficent de la nev: raport intra la quantità total de nev fiocada e fada deslenguà e donca espressa in millimeter equivalent de pioeuva e la quantità totàl di precipitazzion de l’ann; a l’è un numer senza unità de misura; [1]
- resgim di nevicade: com’è che i nevecade inn distribuide intra i varie seson. [1]
Riferiment
Modifega- ↑ 1,0 1,1 1,2 1,3 1,4 1,5 Mario Giuliacci (2010). Manuale di meteorologia (in italian). Alpha Test, 504-505. ISBN 88-483-1168-7.