Nuara

Quest articol chì l'è scrivuu in lombard, grafia milanesa.

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

Cuurdinàde geogràfiche: 45° 27' N 8° 37' E

Novara (parnonzia: Nuára; Piemontes: Noara; Italian: Novara; Frances: Novare; Latin: Novaria) l'è el capploeugh de la Provincia de Noara, che la confina con la Lombardia. Ghe viven pussee de 105.200 abitant. L'è la seconda città pussee granda del Piemont, dòpo Turin. Chì a l'è parlaa on dialett lombard de transizion cont el piemontes, 'me anca in tutta la soa Provincia.

Novara
Comun

Dats aministrativ

Piemont

Politega

Consili comunal

Territore

Coordinade

45°27′00″N 8°37′12″E / 45.45°N 8.62°E

OSM

162 m s.l.m

103,05 km²

101 257 ab.
(1º genar 2023)

Densitaa

982.6 ab./km²

Confin

Camra, Galiaa, Garbagna, Nibiula, Armantin, San Pedar Mugiösch, Caltignaga, Granòss, Tracaa e Casalin

Fus orari

UTC+01:00 e UTC+02:00

Varie

Prefiss

0321

Codex postal

28100

Sigla autom.

NO

Codex ISTAT

003106

Codex catastal

F952

Localizazion

Sit istituzional

Geografia

Territori

Novara la se troeuva in de la porzion de la Pianura Padana tra el Sesia e'l Tesin (vun a 17 km e l'alter a 15 km de distanza), in su d'ona part quai meter pussee alt del territori che'l sta intorna bagnaa di naves Gogna a òvest e Terdobbi a est (Tardobi in piemontes). La zòna nòrd-oriental de la città l'è traversaa del Canal Quintino Sella, emissari del Canal Cavour, el qual corr a nòrd de la città, lì adree ai quarter de Vever e Vignal.

Arent del rion Bicocca el nass el torrent Arbògna-Erbognon.

La città l'è a 45 km de Milan, 85 km de Turin, 30 km del lagh Maggior e 50 km del confin de stat con la Svizzera.

El paesagg del novares l'è caratterizaa de la coltivazion del ris, element fondamental de la cusina del loeugh, e d'ona èrtiga red de canal per l'irrigazion, rònsg, fòss e resorgiv. Quel che'l resta del bosch el se troeuva arent di cors d'acqua.

Monument e loeugh d'interess

El monument el pussee famos de Novara l'è la basilica de San Gaudenzi, de la qual fà part la cupola (de 121 meter d'altezza) simbol de la città. La basilica l'è staa traa su tra 'l 1577 e 'l 1690 apos de la distruzion de la veggia basilica che l'era foeura di mura, progetaa del architet Pellegrino Pellegrini; la cupola, inveci, l'è staa progetaa del Alessandro Antonelli in del 1841 e costruii tra 'l 1844 e 'l 1878^[1]^[2].

Altra struttura relogiosa importanta l'è el Domm, dedicaa a la Santa Maria Assunta, de storia sossenn antica che la riva fin a 'l period paleocristian, ma rifaa pussee vòlt; incoeu, el presenta on aspett neoclassich^[3]. Denanz la cattedral gh'è el battisteri, che l'è la costruzion pusse antica de Novara, anca lù de origin paleocristian^[4].

Suddivision

El commun de Novara l'è componnuu de vari quartier cittadin e frazion separaa del tessuu urban principal.

Chì de bass, asca i quartier e i frazion de Novara e la circuscrizion amministrativa al qual ghe fan part, hinn segnaa anca i scormagn de quaivun di quartier e frazion. La scormagna commun a tucc i novares l'è sciatavìn (riferiment a la storica importanza de la corporazion di bagatt de la città)^[5].


Quarier ò frazion	Circoscrizion	Scormagna^[5]
Center storich	Center (Centro)	Patachìn
Sant Andreja	Nòrd Est (Nord Est)	Rimulàs
San Rocch	Nòrd Est (Nord Est)
Sant Antogn	Nòrd (Nord)
Vignal	Nòrd (Nord)	Malgasc
Vever	Nòrd (Nord)	Cinìn
Sant Agabi	Sant Agabi (Sant'Agabio)	Ranàt
Pòrta Mortara	Pòrta Mortara (Porta Mortara)
Sacro Coeur	Sacro Coeur (Sacro Cuore)
San Martin	San Martin (San Martino)	Làdar e asasìn
Santa Rita	Santa Rita
Agognaa	Santa Rita
San Paol	Òvest (Ovest)
Zona Agògna	Òvest (Ovest)
Cittadella	Sud
Villaggio Dalmazia	Sud
Torrion	Sud	Suclòn
Bicòcca	Sud Est	Mursé
Vlengh	Sud Est	Salamìn
Mellòngh	Mellòngh (Lumellongo)
Casalgiaa	Mellòngh (Lumellongo)
Pajaa	Mellòngh (Lumellongo)
Gionzana	Mellòngh (Lumellongo)
Pernaa	Pernaa (Pernate)

Citaa ingemelaa

Nòtt

↑ Sit del commun de Novara - La Cupola di San Gaudenzio(sgenee 2025)
↑ Diocesinovata.it: Insigne Basilica Collegiata di San Gaudenzio di Novara (sgenee 2025)
↑ Diocesinovara.it: Storia del Complesso della Cattedrale (sgenee 2025)
↑ Diocesinovara.it: Storia del Battistero (sgenee 2025)
↑ ^5,0 ^5,1 Silvano Crepaldi, Lessico dell'immaginario Novarese, in Geografia dell'immaginario, Cologno Monzese, Lampi di stampa, 2011, p. 221, ISBN 978-88-488-1303-7. URL consultaa el 10 sgenee 2025.

Vos corelaa

[1] Sit del commun de Novara - La Cupola di San Gaudenzio(sgenee 2025)

[2] Diocesinovata.it: Insigne Basilica Collegiata di San Gaudenzio di Novara (sgenee 2025)

[3] Diocesinovara.it: Storia del Complesso della Cattedrale (sgenee 2025)

[4] Diocesinovara.it: Storia del Battistero (sgenee 2025)

[:0-5] 5,0 ^5,1 Silvano Crepaldi, Lessico dell'immaginario Novarese, in Geografia dell'immaginario, Cologno Monzese, Lampi di stampa, 2011, p. 221, ISBN 978-88-488-1303-7. URL consultaa el 10 sgenee 2025.

[1]

[2]

[3]

[4]

[5]