Oblast' de Kaliningrad

Quest articol chì l'è scrivuu in lombard, grafia milanesa.

L'Oblast' de Kaliningrad' (russ: Калининградская область/Kaliningradskaja oblast) l'è voeuna di division amministrativ de la Federazion Russa. La region la se troeuva longh i còst del Mar Baltich e la confina con Polònia e Lituania: l'oblast' la costituiss donca on'exclave de la Russia in Euròpa.

Oblast' de Kaliningrad Soget federal
Oblast' de Kaliningrad - Sœmeanza
Dats aministrativ
Nom ofiçal	Калининградская область
Stat	Russia
Circondari federal	Circondario federale nordoccidentale
Capolœg	Kaliningrad
Nassida	7 april 1946
Politega
Governator	Alexey Besprozvannykh
Orgen lejislativ	Legislative Assembly of Kaliningrad Oblast
Territore
Coordinade	54°48′N 21°25′E
OSM	103906
Superfix	15 100 km²
Abitants	976 569 ab. (1º genar 2016), (1º genar 2023) e (1º genar 2021)
Densitaa	64.67 ab./km²
Confin	contea di Klaipėda, Warmińsko-mazurskie, contea di Marijampolė, contea di Tauragė, Podlaskie e Voivodaa de la Pomerania
Fus orari	Fuso orario di Kaliningrad e Eoropa/Kaliningrad
Varie
Codex ISO 3166	RU-KGD
Sigla autom.	39 e 91
Localizazion
Oblast' de Kaliningrad - Localizazion
Sit istituzional

Stòria

L'oblast' de Kaliningrad la costituiva ona part de l'antiga provincia todesca de la Prussia Oriental, e inscì l'è restada fina al 1945. Quand che l'Armada Rossa, a la fin de la Segonda Guerra Mondial, l'è rivada in quell territòri chì, la trovaa quas nissun abitant: de fatt, i popolazion todesch (la maggioranza) eren scappaa via per paura de ritorsion e vendett de part di slav. Inscì, quell territòri l'è staa conquistaa e taccaa a l'URSS, che 'l gh'ha mandaa a viv di colòn che vegniven de vari region de la Russia. Vist che donca la popolazion l'era diventada per bòna part russa, quand che l'URSS l'è borlada, 'sto territòri l'è restaa russ.

I città

La capital de l'oblast' l'è Kaliningrad, che la gh'ha circa 430.300 abitant. Important pòrt in sul mar Baltich, duranta la Segonda Guerra Mondial l'era vun di obbiettiv pussee important per i generai de l'Armada Rossa. Come tutt i città de l'oblast', el sò nòmm todesch (Königsberg, che 'l voeur dì "Montagna del Re") l'è staa mudaa in d'on nòmm russ che 'l gh'ha nagòtt a vedè con l'original: Kaliningrad l'è ciamada inscì in onor del rivoluzionari e politich sovietich Michail Ivanovič Kalinin (1875-1946). Alter città important hinn Sovetsk, Gusev, Baltijsk, Zelenogradsk e Neman.
Al nòmm todesch de nòrma el corrispond anca on nòmm polacch e lituan.

Città	Nòmm russ	Nòmm todesch	Nòmm polacch	Nòmm lituan
Bagrationovsk	Багратионовск	Preußisch Eylau	Pruska Iława	Prūsų Ylava
Baltijsk	Балтийск	Pillau	Piława	Piliava
Černjachovsk	Черняховск	Insterburg	Wystruć	Įsrutis
Gur'evsk	Гурьевск	Neuhausen	Nowy Dwór Pruski	Romuva
Gusev	Гусев	Gumbinnen	Głąbin/Gąbin	Gumbinė
Gvardejsk	Гвардейск	Tapiau	Tapiawa/Tapiewo	Tepliava/Tepliuva
Kaliningrad	Калининград	Königsberg	Królewiec	Karaliaučius
Krasnoznamensk	Краснознаменск	Lasdehnen/Haselberg	Łazdyny	Lazdynai
Laduškin	Ладушкин	Ludwigsort	Ludwinów	Liudvigsortas
Mamonovo	Мамоново	Heiligenbeil	Święta Siekierka	Šventpilis
Neman	Неман	Ragnit	Ragneta	Ragainė
Nesterov	Нестеров	Stallupönen/Ebenrode	Stołupiany	Stalupėnai
Ozërsk	Озёрск	Darkehmen/Angerapp	Darkiejmy	Darkiemis
Pionerskij	Пионерский	Neukuhren	Kursze	Naujieji Kuršiai
Polessk	Полесск	Labiau	Labiawa	Labguva
Pravdinsk	Правдинск	Friedland in Ostpreußen	Frydląd	Romuva
Slavsk	Славск	Heinrichswalde	Jędrzychowo	Gastos
Sovetsk	Советск	Tilsit	Tylża	Tilžė
Svetlogorsk	Светлогорск	Rauschen	Ruszowice	Raušiai
Svetlyj	Светлый	Zimmerbude	Buda	Cimerbūdė
Zelenogradsk	Зеленоградск	Cranz	Krańc	Krantas

Varda anca

• Prussia
• Exclave
• Oblast'