Ospedaa Carlo Poma
L'Ospedaa Carlo Poma l'è l'ospedaa principal de Mantoa e sed de l'omonema ASST. L'è dedicaa al Carlo Poma, voeun di Martir de Belfior, che l'eva prestaa servizzi 'me medegh in l'ospedaa.
Storia Modifega
El primm ospedaa de Mantoa el nass in su domanda del Lodovigh Gonzaga che 'l fa unì in del 1449 tucc i ent ospedaler in d'on unegh ospedaa e in del 1472 l'è attivaa l'Ospedaa Grand. Entraa in crisi in del '600 i austriegh han deciduu poeu de spostàll in d'on convent confiscaa, sed poeu cambiada durant e dopo del period napoleonegh.
In del '900, con la volontà de dervì di noeuv repart e curà mej quej con la tisi el se decid de dervì 'na sed noeuva e in del 1919 l'è vert el noeuv sanatori paj tisegh, menter l'ospedaa complett l'è inauguraa in del 1928.
In del 1995 l'è elevaa a Azienda Ospedalera cont on decrett del President de la Lombardia menter con la riforma del 2013 l'è miss 'me sed de l'ASST mantoana.