Ospedaa Città de Sest San Giovann

Lumbard ucidental Quest articol chì l'è scrivuu in lombard, grafia milanesa.

L'Ospedaa Città de Sest San Giovann l'è vun di du ospedaa de la città de Sest San Giovann, part de l'ASST Nord Milan insemma a l'Ospedaa Doard Bassini.

Storia Modifega

Dopo de la segonda guerra mondial la città de Sest la s'è slargada fiss e 'l Consili di Istitut ospedaler de Milan l'ha deciduu in del 1951 de trattà cont el Comun per dervì 'na succursal de la Ca Granda per quattà Sest e i arent Cologn e Cinisell Balsom e in del 1953 el Comun el dona el spazzi per fà su el noeuv ospedaa e la Ca Granda la se crompa di alter spazzi li arent cont di donazion.

La costruzion, affidada a l'Arturo Braga e a l'Alessandro Ribaldi, la scomincia in del 1958 e l'è fornida el 22 de april 1961.

L'è staa gestii di alter ospedaa milanes finna al 1976, quand che cont ona legg regional l'è miss 'me azienda autonoma, part di Istitut Clinegh de Perfezionament, fondaa in del 1905 del Luigi Mangiagalli, e che a l'epoca comprendeven la Clinica Mangiagalli, la Clinica Pediatrica De Marchi, la Clinica del Lavor Luigi Devoto e di alter struttur e poliambulatori e, del 1980, l'Ospedaa Doard Bassini

In del 2005 insemma la pupart di vegg ospedaa l'è missa in del Policlinich de Milan, deventaa IRCCS e fondazion, e dent di ICP a hinn miss el CTO del Gaitan Pini, l'Ospedaa di Fiolitt Vittore Buzzi, menter resten el Bassini e i alter poliambulatori in tutta l'area de Milan.

Con la riforma de la sanità lombarda del 2015 i ICP a hinn abolii e 'l toeu part a la creazion de l'ASST Nord Milan, de che l'è el center principal.

Ligamm de foeura Modifega

Riferiment Modifega