Istitut Clinegh de Perfezionament
I Istitut Clinegh de Perfezionament eren 'n azienda ospedalera lombarda de rilev nazional specializzaa in del perfezionament di medegh e convenzionaa con l'Università di Studi de Milan e con l'Università di Studi de Milan-Bicocca, in pee del 1905 al 2016.
Storia Modifega
Fondazion Modifega
I ICP hinn fondaa in del 1905 del Luigi Mangiagalli e eren specializzaa in di malattij del lavorà e in la ginecologia e la gh'eva dent la Clinica Mangiagalli e la Clinica del Lavorà. In del 1909 a hinn parificaa a l'università.
In del 1915 l'è verta anca la clinica pediatrica e del 1921 al 1923 a hinn taccaa a l'Università de Pavia e del 1923 a hinn sociaa a l'Università di Studi de Milan.
Regionalizzazion Modifega
Cont el superament del sistema Bismarck e l'istituzion del Servizzi Sanitari Nazional la Region Lombardia, con legg regional, la inseriss in di ICP anca l'Ospedaa Città de Sest San Giovann, in precedenza division de la Cà Granda e, in del 1980, l'Ospedaa Doard Bassini de Cinisell Balsom.
Reforma del Politecnegh Modifega
In del 2005 el Policlinich de Milan l'è riformaa 'me fondazion e IRCCS e 'l ciappa dent la Clinica Mangiagalli, la Clinica Pediatrica De Marchi, la Clinica del Lavorà Luigi Devoto e di alter edifizzi in del center de Milan. I ICP resten donca 'n presidi local, con dent i dò ospedaa de Sest e de Cinisell, el CTO del Gaitan Pini e l'Ospedaa di Fiolitt Vittore Buzzi e di ambulatori in la zona per fà de red territorial per el Nord Milan.
Trasformazion in ASST Modifega
Con la riforma de la sanità lombarda del 2015 el CTO el deventa 'na soa ASST e 'l Buzzi l'è taccaa a l'ASST di Frati e del Sacch. I ospedaa de Sest e Cinisell, insemma a la red territorial, deventen la noeuva ASST Nord Milan, che la quatta Bress, Cinisell Balsom, Sest San Giovann, Cologn, Corman e Cusan.