Palazz (Milan)
|
Quest articol chì l'è scrivud in lombard, con la Noeuva Ortografia Lombarda |
El Palazz a l'è stad el brovet noeuv de Milan, doperad inscì del 1251 al 1786, e sit in la piazza di Mercant, arent a la lobia di Oeus.
Milan el gh'ha havud trii brovet: quell vegg, che incoeu l'è Palazz de Cort, doperad fina al 1251; quell noeuv, che l'è el Palazz, e quell noeuv novent, incoeu Palazz Carmagnoeula, doperad fina al 1861 quand che i ofizzi del comun inn menad a Palazz Marin.
Fad su del secol XIII, l'Oldrad de Dresan gh'ha fad fà su un pian pusse e in l'età de Mez se tegniva dent el Carrocc de la cità. L'è restad inscì fina al 1773 quand che la Maria Teresa d'Austria l'ha fad volzà ancamò de un pian del Franzesch Cros e l'è doperad 'me sed de la ministrazzion regionala del Stat. Intorna ai agn '80 del secol XX el s'è parlad de trà sgiò el pian teresian, che l'era vist 'me contrari al stil medieval de l'edifizzi, in del vesser neoclassegh, e 'n ris'c per la stabilità de la strutura, ma grazzia al lavorà del Marco Dezzi Bardeschi a l'è tegnud in pè inscì 'me l'era.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Palazz (Milan)
