Carrocc

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El carrocc l'era 'l carr cont i insegn de 'na città, doperaa in del medioev 'me simbol de l'autonomia di liber comun. L'era spantegaa soratutt in Lombardia e in Toscana, e poeu l'ha scominciaa a vess in tanc città foeura de la zona padana.

Defenduu di soldaa pussee brai e coloraa cont i color de la città, l'era trainaa di boeuv e 'l gh'eva sora 'n altar, 'na cros e 'n campana. In temp de pas l'era conservaa in la gesa la pussee importanta de la città.

Storia Modifega

Originariament doperaa 'me carr de guerra di arimann, l'ha ciappaa on valor simbolich cont l'Aribert de Intimian, che l'ha faa doperaa in tucc i assedi de Milan del Corraa II el Salich.

Cont el borlà di liber comun e la nassita di soldaa de ventura, minga ligaa ai città per che combatteven, l'è borlaa anca lu in desgrazia.

In la coltura lombarda Modifega

Per la tradizion lombarda in la Battaja de Legnan i soldaa de la Compagnia de la Mort guidaa de l'Albert de Giussan han defenduu el Carrocc de Milan con tanta forza de batt el Barbarossa.

Incoeu 'sta icona a l'è staa ciappada del moviment politegh de la Liga Nord, che 'l se ispira fiss al period lombard medieval, e l'è vun di sò soranomm pussee famos.