Panzeròtt
El panzeròtt a l'è on prodott gastronomigh di rosticcerii, on serc de pasta repiena, voltaa-giò inscì da deventà ona mezzalunna. A l'è on prodott tipegh di region center-meridionai de l'Italia, ma anca a Milan a l'è cognossuu comè mersì a von di prestinee storegh de la cittaa.
| Panzeròtt | |
|---|---|
 | |
| Origen | |
| Pòst d'origen |  Italia |
| Region | Campania Lazzi Puja Calabria Basilicada |
| Dettaj | |
| Categoria | piatt unegh |
| Reconossiment | P.A.T. |
| Settor | Past fresch e prodott de la panttaria, de la bescottaria, de la pastizzaria e de la offellaria |
| Alter informazion | no |
A gh'hinn tant possibel maner per el repien di panzeròtt: chel tipegh pujes a l'è impienii de tomates e mozzarella, ma, de spess, hinn giontaa oliv senza gandólla, inciòd, scigol o caper. Per el carneval, se preparen anca i panzeròtt dolz, impienii de marmelada, mascarpa putost che cavolatt gianduja e composta de castegna de Montella, cont de sora el zuccher a vel. El pò vess còtt in del forn putost che frigiuu denter l'oli extravergin d'oliva.
Origen del nòmm
ModifegaEl nòmm "panzeròtt" el vegn dal diminutiv de panza, ona manera de ciamà la panscia in on quai dialett italian, in referiment al tipegh gonfior de la pasta che 'l regorda chell d'ona panscia.
Anca se l'origen del nòmm a l'è l'istessa, la paròlla pansott la se referiss a on piatt totalment desferenziaa: i pansott a hinn ona specia de ravioeu tipegh de Genova.