Paolo Gulisano

Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El dutur Paolo Gulisano l'è un scritur leches.

BiugrafiaModifega

El dutur Paolo Gulisano l'è nassüü a Milan el 27 de masg del 1959 e a növ agn l'è vegnüü a Lech, indue stà de cà amò adess. L'ha faa el Liceu Classegh Lissander Manzun, pö dopu el s'è laüreaa in Medesina e Chirürgia cunt la specializzaziun in Igiene e Medesina preventiva. Passiunaa e insegnant de Storia de la Medesina, al sò lavurà de dutur gh'haa giuntaa là de tanci agn l'ativitaa cultürala de sagista e scritur. L'haa culaburaa cunt diversi giurnai (l'Osservatore Romano, La Pruincia de Comm, il Timone, la Bussola quotidiana, Europaitalia, il Federalismo, Tempi, i Quaderni di Avalon, i Quaderni Padani, Tera Insübra, Vivere!, Arte e Fede). Perdepiö del 2000 a Radio Mater el le ghe stà adree a la trasmissiun Testimoni della fede. L'ha fundaa e l'è Vicepresident de la Società Chestertoniana Italiana; l'haa funda e l'è president de l' ARS de Lecch per i rievucazziun de l'etaa de mezz. L'è anca denter in di asuciazziun cattolegh e identitari e del 2000 l'è President del Centro di Aiuto alla Vita de Lecch, ma roba pussee impurtanta l'è vün di pussee grandi espert al mund del scritur ingles J.R.R. Tolkien.

Sagista e RumanzéeModifega

El sagistaModifega

El dutùr Paolo Gulisano l'è un persunagg tra i pussee uriginai de la cultüra in italia: l'haa inviaa là cumè sagista indel 1996 cunt el libèr “Cristeros” (il Cerchio) che el trà a man una pagina desmentegada de la storia del '900: la persecuzziun di cristian indel Messich di agn '20. Pö dopu, cunsiderada la sò passiun per el Tolkien, gh' haa dedicàa al scritur ingles e al sò mund de fantasia diversi articui e i sò liber pussee bèj: La mappa delle terra di mezzo (Rusconi,1997), La mappa del Silmarillion (Rusconi, 1999), Tolkien, il mito e la grazia (Ancora, 2001) e Gli eroi de Il Signore degli Anelli (Ancora, 2003). Dessuramaross el le gh' haa anca passiun 'dree a la cultüra celtega e inglesa iscee l'haa faa vegné fö di vulöm in söl Gilbert Keith Chesterton e l'Hilaire Beloc, in sö la storia de la Scozia e de l'Irlanda e söl San Culumban, gh'haa dà una bela man a la difusiun in Italia di oper del Clive Staples Lewis che de lüü l'haa metüü gió la prima biugrafia in italian (C.S. Lewis tra Fantasy e Vangelo) e l' haa cüraa la biugrafia del scritur viturian George MacDonald che l' è staa quell che l' gh'haa daa di idei bej e bun a i scritur de fantasia del '900. 'Sti liber, insema a quij in sö l'Oscar Wilde (Il ritratto di Oscar Wilde), padre McNabb (Babylondon), el beatt cardinal Newman (J.H. Newman profilo di un cercatore di verità), James Barrie (Alla ricerca di Peter Pan) hann cunsacràa per semper el dutur Paolo Gulisano cumè vün di espert pussee atent a la cultüra e al mund de la Gran Bretagna. I sò opèr de lüü hin féss interesant per el sò sistema de scriv fin e curius. El le niscund mia i sò radis catolegh bej sald che salten fö specialment in di sagg sö i martér mesican (Cristeros), söl papa Pio IX (O Roma o morte), söl sant irlandes Culumban (Colombano un santo per l' Europa), söl patriota tirules Andreas Hofer (el dutur Gulisano, che l' è lumbard, el gh' haa anca urigin tirules da part de mam), füsilàa a Mantua di suldaa de l'imperadur franzes (Andreas Hofer: il Tirolese che sfidò Napoleone). Cumè studiüs de storia de la Medesina el dutur Gulisano l'haa scrivüü un para de liber: Pandemie del 2006, che el rileng la storia di grand epidemei da la pest al'inflüenza di peviun (aviaria) e L' arte del guarire (2011), un uriginala storia de la medesina vardada cunt i occ di sant.

El rumanzeeModifega

Indel giögn 2011 l' haa decidüü de metes dré a scriv un rumaanz de fantastoria: Il destino di padre Brown (Sugarco). La fantastoria, o Ucrunia, l'è un gener leterari gnamò trop duperaa in italia. El dutur Gulisano indel sò rumanz el fà un'ipotesi: e se indel Cunclav del 1939 fudess minga sta fà papa l'Eugenio Pacelli, ma un cert cardinal Brown, idest el pader Brown del Chesterton fudess naa sö lüü? A parté de chest' idea stramba (ma el Chesterton l'eva propi el re di vacat, che per lüü gh'heven de dessedà fò i crap indurmentà di temp muderni) el rumanz el ne descriv la gareana, a parté del 1917, quand se pensa che el Pader Brown el vegni ciamà a Ruma del cardinal Merry del Val per laurà insema a lüü, fina al cunclav del 1939. De <<prevet investigadur>> el le deventa un munsciur al servizzi (segrèt) del Papa, impegnàa un poo depertött. Alura tröem el Pader Brown in di trincei del Carso, a Capuret, tra el Cadurna e l' agent segrèt Kipling; indel Irlanda rivulüziunaria del Michael Collins, a Ruma el dé de la marcia, indela Türìn del Frassati insema al don Sturzo. Un Pader Brown che le deventa prima munsciur e pö dopu cardinal, amìs e culega de l'Eugenio Pacelli, al servizzi del Pio XI e de un misterius cardinal mezz ingles e mezz spagnöö, Rafael Merry del Val, che ghe fa faa la spia per el Vatican. Dunca indel rumanz storia vera del '900 e fantasia se meseden denter e porten el letur a divertes e a comoves al stess temp.

OperModifega

  • Cristeros! L'insorgenza cattolica e popolare del Messico 1926-1929 (1996), Rimini, Il Cerchio
  • La mappa della Terra di Mezzo (1997), Milàn, Rusconi
  • Il cardo e la croce. La Scozia: una storia di fede e di libertà (1998), Rimini, Il Cerchio
  • La mappa del Silmarillion Rusconi, 1999
  • O Roma o morte! (2000), Rimini: Il Cerchio
  • Tolkien il mito e la grazia (2001), Milàn: Àncora
  • Chesterton e Belloc. Apologia e profezia (2002), Milàn: Àncora
  • Gli eroi de Il Signore degli Anelli (2003), Milàn: Àncora
  • L'isola del destino. Storie, miti e personaggi dell'Irlanda medievale (2003), Milàn: Àncora
  • Re Artù (Piemme, 2004)
  • Tolkienology (Piemme, 2004) (Con Mario Palmaro e Alessandro Gnocchi)
  • Giochi da hobbit (2005), Milàn: Àncora (insèma a la Luisa Vassallo)
  • Il mondo di Narnia (Edizioni San Paolo, 2005) (insèma al Andrea Monda)
  • C.S.Lewis. Tra fantasy e Vangelo (2005), Milàn: Àncora
  • Pandemie (2006), Milàn: Àncora
  • La cucina di Narnia (2006), Milàn: Àncora (insèma a la Luisa Vassallo)
  • La notte delle zucche. La festa di Halloween (in colaborasiùn col Brid O'Neill) (Àncora, 2006)
  • Tolkien. Il mito e la grazia - edizione ampliata (2007), Milàn: Àncora
  • Colombano. Un santo per l'Europa (2007), Milàn: Àncora
  • I segreti del mondo di Narnia (Piemme, 2008)
  • Il codice Gioconda. La vera identità di Monna Lisa (in colaborasiùn col Erminio Bonanomi), 2008, Fede & Cultura, Verona
  • George MacDonald, il maestro della fantasia (insèma a la Luisa Vassallo)(2008), Rimini: Il Cerchio
  • Quel cristiano di Guareschi (2009), Milàn: Àncora
  • Il Ritratto di Oscar Wilde (2009), Milàn: Àncora
  • Andreas Hofer, il Tirolese che sfidò Napoleone (2010), Milàn: Àncora
  • John Henry Newman (2010), Milàn: Àncora
  • Babylondon, Padre McNabb, maestro di Chesterton, nel caos di “Babylon-London” (2010), Bologna: ESD
  • Alla ricerca di Peter Pan, (insèma a la Chiara Nejrotti) 2010, Cantagalli, Siena.
  • Il destino di Padre Brown, 2011, Sugarco, Milàn
  • L’arte del guarire, 2011, Ancora, Milàn